ఏపీలోని కృష్ణా జిల్లా నందిగామ పట్టణలోని భారత్ టాకీస్ సెంటర్లో లక్ష్మీ త్రివేణి ఫాస్ట్ఫుడ్ సెంటర్లో అకస్మాత్తుగా గ్యాస్ సిలిండర్లో నుంచి మంటలు చెలరేగాయి. ఈ అగ్ని ప్రమాదంలో కొంత ఫర్నీచర్ దగ్దమైంది. వెంటనే అప్రమత్తమైన ఫాస్ట్ఫుడ్ నిర్వాహకులు అగ్నిమాపక శాఖ అధికారులకు సమాచారం ఇచ్చారు. ఘటనా స్థలం వద్దకు చేరుకున్న అగ్నిమాపక సిబ్బంది మంటలను అదుపు చేశారు.
ఏ విధమైన ప్రాణ నష్టం, ఆస్తినష్టం జరగకపోవడం వల్ల అంతా ఊపిరి పీల్చుకున్నారు. హోటళ్లలో వంట చేసేటప్పుడు అప్రమత్తంగా ఉండాలని, గృహ అవసరాలకు వినియోగించే సిలిండర్లు మాత్రం వాడవద్దని, అలాంటి సిలిండర్లు వాడే వారిపై కఠిన చర్యలు తీసుకుంటామని అగ్నిమాపక శాఖ అధికారి తెలిపారు.
గ్యాస్ సిలిండర్ నుంచి మంటలు.. ఫర్నిచర్ దగ్ధం
ఇదీ చదవండి: ఆ కార్లను ఓఎల్ఎక్స్లో విక్రయిస్తున్న వ్యక్తి అరెస్ట్
