స్నేహం ముసుగులో మిత్రుడి భార్యను బెదిరించి.. తన కోరిక తీర్చుకునేందుకు యత్నించిన యువకుడిని హైదరాబాద్‌ షీ-బృందం పోలీసులు అరెస్టు చేశారు. హైదరాబాద్‌కు చెందిన అబ్దుల్ అనే వ్యక్తికి సల్మాన్ అనే స్నేహితుడున్నాడు. వారి మధ్య ఉన్న స్నేహం కారణంగా అబ్దుల్ తన ఇంట్లోనే మిత్రుడు సల్మాన్‌కు ఆశ్రయమిచ్చాడు. అయితే సల్మాన్ కన్ను మిత్రుడి భార్యపై పడింది. ఈ క్రమంలోనే రహస్య కెమెరా ఏర్పాటు చేసి అబ్దుల్ తన భార్యతో ఏకాంతంగా ఉన్న దృశ్యాలు సల్మాన్ చిత్రీకరించాడు.
అనంతరం ఆ దృశ్యాలను అబ్దుల్ భార్యకు చూపి.. తన కోరిక తీర్చమని, లేదంటే చిత్రీకరించిన దృశ్యాలను సామాజిక మాధ్యమాల్లో పోస్టు చేస్తానంటూ బెదిరించాడు. దీంతో బాధితురాలు షీ బృందం పోలీసులకు ఫిర్యాదు చేసింది. రంగంలోకి దిగిన పోలీసులు.. అన్ని ఆధారాలు సేకరించి నిందితుడిని అరెస్టు చేసి కోర్టులో హాజరుపరిచారు. నిందితుడికి కోర్టు 8 రోజుల జైలు శిక్ష విధించింది.
ఇవీ చూడండి..
అర్చనా నాగ్ సమర్పించు.. "ఊఁ అంటావా లీడర్.. ఊఁ హూ అంటావా?"
ప్రేమించి పెళ్లాడింది.. ఇప్పుడు భర్త గొంతు కోసేసింది.. ఏం జరిగిందంటే..!
