How To Reset UPI PIN : Phonepe, Google Pay, Paytm.. ప్రస్తుతం ఈ అప్లికేషన్లనే డిజిటల్ పేమెంట్స్ కోసం వినియోగిస్తున్నారు చాలామంది. వీటి సాయంతోనే క్షణాల్లో అన్ని రకాల చెల్లింపులు చేసేస్తున్నారు. ఇదిలా ఉంటే ఈ మధ్య కాలంలో ఆన్లైన్ మోసాలు ఎక్కువయ్యాయి. మరీ ముఖ్యంగా మనకు తెలియకుండానే మన బ్యాంక్ ఖాతాల్లో నుంచి నిమిషాల్లో డబ్బును కాజేస్తున్నారు సైబర్ కేటుగాళ్లు. ఈ క్రమంలో వివిధ పేమెంట్స్ యాప్స్ అందిస్తున్న ఆప్షన్స్ను వినియోగిస్తే వీటి బారిన పడకుండా ఉంటామని అంటున్నారు నిపుణులు. ఇందుకోసం అప్లికేషన్స్లోకి వెళ్లి మీ 'UPI PIN'లను తరచూ మారుస్తుండాలని సూచిస్తున్నారు. ఈ నేపథ్యంలో మీ ఫోన్పై, గూగుల్ పే లేదా పేటీఎమ్లలో కొత్త యూపీఐ పిన్ను ఎలా 'RESET' చేసుకోవచ్చో ఇప్పుడు తెలుసుకుందాం.
Gpayలో కొత్త UPI PINను క్రియేట్ చేయండిలా..
How To Reset UPI PIN In Google Pay :
- ముందుగా Google Pay యాప్ను తెరవండి.
- తర్వాత అప్లికేషన్ కుడివైపున ఉండే ప్రొఫైల్ పిక్పై క్లిక్ చేయండి.
- మీరు పిన్ రీసెట్ చేయాలనుకుంటున్న బ్యాంక్ అకౌంట్ను ఎంచుకోండి.
- ఇక్కడ మీకు కనిపించే స్క్రీన్పై కుడివైపు ఉండే మూడు చుక్కలపై క్లిక్ చేయండి.
- ఇప్పుడు 'Change UPI PIN' ఆప్షన్పై ట్యాప్ చేయండి.
- 6 అంకెల పాత UPI PINను ఎంటర్ చేసిన అనంతరం కొత్తగా క్రియేట్ చేయాలనుకునే PINను కూడా టైప్ చేయండి.
- వెరిఫికేషన్ కోసం అదే పిన్ను మరోసారి ఎంటర్ చేయండి. దీంతో మీ కొత్త UPI PIN క్రియేట్ అవుతుంది.
PhonePeలో UPI PINను సెట్ చేసుకోండిలా..
How To Reset UPI PIN In PhonePe :
- ముందుగా మీ మొబైల్లో PhonePe యాప్ను ఓపెన్ చేయండి.
- అప్లికేషన్ ఎడమవైపు పైభాగంలో ఉండే ప్రొఫైల్ ఫొటోపై క్లిక్ చేయండి.
- అనంతరం మీరు అప్పటికే లింక్ చేసిన బ్యాంక్ ఖాతాలు 'Payment Methods' సెక్షన్లో కనిపిస్తాయి.
- ఆపై మీరు ఏ బ్యాంక్ UPI PIN అయితే మార్చాలనుకుంటున్నారో లేదా రీసెట్ చేయాలనుకుంటున్నారో ఆ ఖాతాను ఎంచుకోండి.
- ఇక్కడ మీకు UPI PIN బాక్స్లో 'RESET' అనే ఆప్షన్ కనిపిస్తుంది. దానిపై క్లిక్ చేయండి.
- అనంతరం మీరు ఎంచుకున్న బ్యాంక్ డెబిట్ కార్డ్ వివరాలను ఎంటర్ చేయండి.
- వివరాలు అందించిన తర్వాత మీ రిజిస్టర్డ్ మొబైల్ నంబర్కు 6 అంకెల ఓ OTP మెసేజ్ వస్తుంది.
- ఈ ఓటీపీని అడిగిన బాక్స్లో ఫిల్ చేయండి.
- తర్వాత మీ డెబిట్ కార్డ్కు వినియోగించే 4 అంకెల సంఖ్యను ఎంటర్ చేయండి.
- ఇప్పుడు కొత్త UPI PINను సెట్ చేయండి.
- ఇక్కడ మీరు 4 లేదా 6 అంకెలు కలిగిన UPI PINను క్రియేట్ చేసుకునే వీలుంటుంది.
- ధ్రువీకరణ కోసం అప్పుడే ఎంటర్ చేసిన కొత్త UPI PINను మరోసారి టైప్ చేయండి.
- చివరగా 'Confirm' ఆప్షన్పై ట్యాప్ చేయండి. అంతే PhonePeలో మీ కొత్త UPI PIN రీసెట్ అవుతుంది.
Paytmలో UPI PINను మార్చుకోండిలా..
How To Reset UPI PIN In Paytm :
- ముందుగా మీ మొబైల్లో Paytm అప్లికేషన్ను తెరవండి.
- యాప్ తెరిచాక ఎడమవైపు ఉండే 'Profile' ఐకాన్పై క్లిక్ చేయండి
- 'Payment Settings' ఆప్షన్ను ఎంచుకోండి.
- తర్వాత మీరు పిన్ మార్చాలనుకుంటున్న బ్యాంక్ ఖాతాను సెలెక్ట్ చేయండి.
- అక్కడే 'Change PIN' అనే మరో ఆప్షన్ కనబడుతుంది. దానిపై క్లిక్ చేయండి
- ఆపై డెబిట్ కార్డ్ వివరాలను ఎంటర్ చేయండి.
- తరువాత 'Proceed' ఆప్షన్పై క్లిక్ చేయండి.
- ఇప్పుడు మీ పాత UPI PINను ఎంటర్ చేసిన తర్వాత కొత్తగా క్రియేట్ చేయాలనుకుంటున్న UPI PINను టైప్ చేయండి.
- చివరగా ప్రాసెస్ను కన్ఫామ్ చేసి ముందుకు సాగండి.
How to Use UPI Lite : మీరు 'యూపీఐ పిన్' ఎంటర్ చేయకుండానే.. డబ్బులు చెల్లించవచ్చు.!
