Best Cars Under 5 Lakhs In India : భారతదేశంలో నేడు కార్ల వినియోగం విపరీతంగా పెరుగుతోంది. ముఖ్యంగా మధ్యతరగతి ప్రజలు, తమ కుటుంబ అవసరాల కోసం, రోజువారీ పనుల కోసం తక్కువ బడ్జెట్లోని మంచి బ్రాండెడ్ కార్లు కొనడానికి ఇష్టపడుతున్నారు. వీరిని దృష్టిలో ఉంచుకునే ప్రముఖ ఆటోమొబైల్ కంపెనీలు అన్నీ సింపుల్ బడ్జెట్లో మంచి కార్లను రూపొందిస్తున్నాయి. వాటిలో రూ.5 లక్షల బడ్జెట్లోని బెస్ట్ కార్లపై ఓ లుక్కేద్దాం రండి.
1. Maruti Alto K10 Features : ఈ మారుతి ఆల్టో కె10 అనేది బెస్ట్ బడ్జెట్ ఫ్రెండ్లీ కారు. దీనిలో 1.0 లీటర్ పెట్రోల్ ఇంజిన్ అమర్చారు. ఇది 65.7 bhp పవర్, 89 Nm టార్క్ జనరేట్ చేస్తుంది. దీనిలో డీజిల్ ఇంజిన్ వేరియంట్ కూడా ఉంటుంది. ఈ కారు మైలేజ్ ఆయా వేరియంట్లను అనుసరించి 24.39 kmpl - 33.85 km/kg ఉంటుంది. హెవీ ట్రాఫిక్లోనూ చాలా ఈజీగా ఈ హ్యాచ్బ్యాక్ కారును డ్రైవ్ చేయవచ్చు.
Maruti Alto K10 Price : మార్కెట్లో ఈ మారుతి సుజుకి ఆల్టో కె10 కారు ధర రూ.3.99 లక్షల నుంచి రూ.5.96 లక్షల ప్రైస్ రేంజ్లో ఉంటుంది.
2. Maruti Alto Features : ఈ మారుతి ఆల్టో కారులో 796 సీసీ సామర్థ్యం గల పెట్రోల్ ఇంజిన్ను అమర్చారు. దీనితో పాటు సీఎన్జీ ఆప్షన్ కూడా అందుబాటులో ఉంటుంది. ఈ కారు మైలేజ్ ఆయా వేరియంట్లను అనుసరించి 22.05kmpl - 31.59 km/kg వరకు ఉంటుంది. ఈ కారు 5 వేరియంట్లలో, 4 కలర్ ఆప్షన్లలో లభిస్తుంది.
Maruti Alto Price : మార్కెట్లో ఈ మారుతి ఆల్టో కారు ధర రూ.3.54 లక్షల నుంచి రూ.5.13 లక్షల ప్రైస్ రేంజ్లో ఉంటుంది.
3. Renault Kwid Features : ఈ రెనో క్విడ్ హ్యాచ్బ్యాక్లో 1 లీటర్ సామర్థ్యం గల పెట్రోల్ ఇంజిన్ను అమర్చారు. దీని మైలేజ్ 21.46 kmpl - 22.3 kmpl ఉంటుంది. ఈ కారు 11 వేరియంట్లలో, 7 రంగుల్లో లభిస్తుంది. ఇది మారుతి ఆల్టో కె10, మారుతి సెలెరియో, మారుతి స్విఫ్ట్లతో నేరుగా పోటీపడుతుంది.
Renault Kwid Price: మార్కెట్లో ఈ మారుతి రెనో కారు ధర రూ.4.69 లక్షల నుంచి రూ.6.44 లక్షల రేంజ్లో ఉంటుంది.
4. Maruti S Press Features : ఈ మారుతి ఎస్-ప్రెస్సో కారు 1 లీటర్ పెట్రోల్ ఇంజిన్, సీఎన్జీ ఆప్షన్లతో వస్తుంది. పెట్రోల్ వేరియంట్ మైలేజీ 24.02 kmpl , సీఎన్జీ వేరియంట్ మైలేజీ 32.73 km/kg. ఈ మారుతి ఎస్-ప్రెస్సో కారు 8 వేరియంట్లలో, 7 అందమైన రంగుల్లో లభిస్తుంది.
Maruti S Press Price : మార్కెట్లో ఈ మారుతి ఎస్-ప్రెస్సో కారు ధర రూ.4.26 లక్షల నుంచి రూ.6.11 లక్షల వరకు ఉంటుంది.
5. Bajaj Qute Features : ఈ బజాజ్ క్యూట్లో 216 సీసీ సామర్థ్యం గల ఇంజిన్ ఉంటుంది. ఈ సీఎన్జీ హ్యాచ్బ్యాక్ 5500 rpm వద్ద 10.8 bhp పవర్ జనరేట్ చేస్తుంది. దీని బూట్ స్పేస్ 20 లీటర్స్. ఈ బజాజ్ క్యూట్ సింగిల్ వేరియంట్లో, 3 కలర్ ఆప్షన్లలో లభిస్తుంది.
Bajaj Qute Price : మార్కెట్లో బజాజ్ క్యూట్ ధర సుమారుగా 3.60 లక్షలు ఉంటుంది.
6. PMV EaS E Features : ఈ ఎలక్ట్రిక్ 2 సీటర్ హ్యాచ్బ్యాక్ కారులో 10 కిలోవాట్ సామర్థ్యంగల బ్యాటరీ ఉంటుంది. దీనిని ఫుల్ ఛార్జ్ చేస్తే, 160 కి.మీ రేంజ్ వరకు ప్రయాణించవచ్చు. ఈ ఎలక్ట్రిక్ కారులోని ఇంజిన్ 13.41 bhp పవర్, 50 Nm టార్క్ జనరేట్ చేస్తుంది. ఇది సింగిల్ వేరియంట్లో, 5 కలర్ ఆప్షన్లలో లభిస్తుంది.
PMV EaS E Price : ఈ ఎలక్ట్రిక్ కారు ధర రూ.4.9 లక్షలు ఉంటుంది.
7. Strom Motors R3 Features : ఈ స్ట్రోమ్ మోటార్స్ ఆర్3 అనేది 2 సీటర్ ఎలక్ట్రిక్ కారు. దీనిని ఫుల్ ఛార్జ్ చేస్తే, 200 కి.మీ రేంజ్ వరకు ప్రయాణించవచ్చు. దీనిలోని ఇంజిన్ 20.11 bhp పవర్, 90 Nm టార్క్ జనరేట్ చేస్తుంది. దీని బూట్ స్పేస్ 300 లీటర్లు. కనుక హెవీ లగేజ్ను కూడా చాలా ఈజీగా తీసుకెళ్లవచ్చు. ఇది సింగిల్ వేరియంట్లో, 4 అందమైన రంగుల్లో లభిస్తుంది.
Strom Motors R3 Price : ఈ స్ట్రోమ్ మోటార్స్ ఆర్3 కారు ధర సుమారుగా రూ.4.50 లక్షలు ఉంటుంది.
8. Maruti Alto 800 Tour Features : మారుతి ఆల్టో 800 టూర్ అనేది 5 సీటర్ కారు. దీనిలో 796 సీసీ సామర్థ్యం గల పెట్రోల్ ఇంజిన్ను అమర్చారు. దీని మైలేజ్ 22.05 kmpl. ఇది సింగిల్ వేరియంట్లో, మూడు రంగుల్లో లభిస్తుంది.
Maruti Alto 800 Tour Price : ఈ మారుతి ఆల్టో 800 టూర్ కారు ధర సుమారుగా రూ.4.20 లక్షలు ఉంటుంది.
18 నుంచి గోల్డ్‌ బాండ్‌ సబ్‌స్క్రిప్షన్‌ - వారికి ప్రత్యేక డిస్కౌంట్ - ఎలా అప్లై చేయాలంటే?
తరచూ ప్రయాణాలు చేస్తుంటారా? ట్రావెల్ ఇన్సూరెన్స్ తప్పనిసరి - ఎందుకంటే?
