అమెజాన్ ప్రైమ్ వినియోగదారులకు షాకింగ్ న్యూస్ చెప్పింది అమెజాన్ సంస్థ. ప్లాట్ఫామ్ యాక్సెస్ ధరలను పెంచుతున్నట్లు ప్రకటించింది అమెజాన్. ప్రస్తుతం ఉన్న ధరలను భారీగా పెంచింది. దేశంలో అత్యంత జనాదరణ పొందిన ఓటీటీ ప్లాట్ఫామ్లలో ఒకటైన అమెజాన్ ప్రైమ్.. అందులోని ప్రైమ్ వీడియో, ఆడిబుల్, ప్రైమ్ మ్యూజిక్ వంటి అనేక సేవలందిస్తున్న ప్లాట్ఫామ్లపై భారీగా సబ్స్క్రిప్షన్ ఛార్జీలను పెంచింది. నెలవారీ, త్రైమాసిక సబ్స్క్రిప్షన్స్ ధరలను పెంచుతున్నట్లు తెలిపింది.
ఒకేసారి నెలవారీ, క్వార్టర్లీ ఛార్జీలపై దాదాపు 65%, 30% మేర ధరలను పెంచేసింది అమెజాన్ ప్రైమ్. ప్రస్తుతం ఉన్న వార్షిక ప్లాన్ కొనుగోళ్ల శాతాన్ని పెంచాలనే ఉద్దేశంతోనే తక్కువ వ్యవధి కలిగిన నెల, మూడు నెలల సబ్స్క్రిప్షన్స్ ఛార్జీలను పెంచినట్లు తెలిసింది. ఇంతకుముందు 2021 చివర్లో కూడా టారిఫ్ ఛార్జీలను పెంచింది అమెజాన్ ప్రైమ్. ఇక తాజాగా పెంచిన ధరలతో మిడిల్ క్లాస్ యూజర్స్పై మరింత భారం తప్పదంటున్నారు మార్కెట్ నిపుణులు.
భారతదేశంలో కొత్త అమెజాన్ ప్రైమ్ సబ్స్క్రిప్షన్స్ ధరలిలా ఉన్నాయి.
| ప్రైమ్ మెంబర్షిప్ | కొత్త ధర | పాత ధర |
| నెల ప్లాన్ | రూ.299 | రూ.179 |
| మూడు నెలల ప్లాన్ | రూ.599 | రూ.459 |
| ఏడాది ప్లాన్ | రూ.1499 | రూ.1499 |
మరో ఓటీటీ ప్లాట్ఫామ్ అయిన నెట్ఫ్లిక్స్లో సబ్స్క్రిప్షన్ ఛార్జీలిలా ఉన్నాయి.
- నెట్ఫ్లిక్స్ మొబైల్ ప్లాన్
కేవలం రూ.149లకే నెట్ఫ్లిక్స్ మొబైల్ ప్లాన్ అందుబాటులో ఉంది. రూ.1,788 తో వార్షిక ప్లాన్ కూడా ఉంది. ఈ ప్లాన్తో మీ ఆండ్రాయిడ్, ఐ-ఫోన్ల్లో మీకు నచ్చిన షోలు, సినిమాలు, వెబ్ సిరీస్లను చూసేయచ్చు. అంతేకాకుండా మీ ల్యాప్టాప్, స్మార్ట్ టీవీలు, అమెజాన్ ఫైర్ టీవీ వంటి గ్యాడ్జెట్స్ల్లో ఏదైనా ఒక స్కీన్లో ఈ నెట్ఫ్లిక్స్ మొబైల్ ప్లాన్ను ఆస్వాదించొచ్చు. - నెట్ఫ్లిక్స్ బేసిక్ ప్లాన్
నెలకు రూ.199లు సంవత్సరానికి రూ.2,388ల బేసిక్ ప్లాన్ సేవలు కూడా నెట్ఫ్లిక్స్లో ఓటీటీ వినియోగదారులకు అందుబాటులో ఉన్నాయి. నెట్ఫ్లిక్స్ మొబైల్ ప్యాకేజీలో ఉండే సమానమైన ప్రయోజనాలు ఈ నెట్ఫ్లిక్స్ బేసిక్ ప్లాన్లోనూ ఉంటాయి. ఈ ప్లాన్తో ల్యాప్టాప్, స్మార్ట్ టీవీలలో కూడా మీకు నచ్చిన కంటెంట్ను ఎంజాయ్ చేయొచ్చు. - నెట్ఫ్లిక్స్ స్టాండర్డ్ ప్లాన్
మీరు మీ స్నేహితులు లేదా కుటుంబ సభ్యులతో నెట్‌ఫ్లిక్స్‌ను ఎంజాయ్ చేయాలనుకుంటే నెట్ఫ్లిక్స్ స్టాండర్డ్ ప్లాన్ మీకు మంచి అవకాశం కల్పిస్తోంది. పూర్తి HD రెజల్యూషన్ కలిగిన వీడియోలను డౌన్లోడ్ చేసుకొని ఒకేసారి రెండు గ్యాడ్జెట్స్లో కావాల్సిన కంటెంట్ను వీక్షించొచ్చు. ఇందుకోసం నెలకు రూ.499 లేదా సంవత్సరానికి రూ.5,988ల ప్యాకేజీలు కస్టమర్లకు అందుబాటులో ఉంచింది నెట్ఫ్లిక్స్.
