దేశీయ స్టాక్ మార్కెట్లు బుధవారం భారీ లాభాలతో ముగిశాయి. బీఎస్ఈ-సెన్సెక్స్ 1,030 పాయింట్లు బలపడి 50,781 వద్ద స్థిరపడింది. ఎన్ఎస్ఈ-నిఫ్టీ 281 పాయింట్ల లాభంతో 14,988 వద్ద ముగిసింది. ప్రధానంగా బ్యాంక్, అన్ని పెద్ద కంపెనీల షేర్లు లాభాలను గడించాయి.
సాంకేతిక కారణాల వల్ల నిఫ్టీలో ఉదయం 11:40 గంటల నుంచి ట్రేడింగ్‌ నిలిపివేశారు. సమస్య పరిష్కారం అయ్యాక సాయంత్రం 3:45 గంటల నుంచి ట్రేడింగ్‌ పునఃప్రారంభించారు. నిఫ్టీతో పాటు సెన్సెక్స్ సమయాన్ని సైతం సాయంత్రం 5 గంటల వరకు పొడిగించారు.
ఇంట్రాడే సాగిందిలా..
సెన్సెక్స్ 50,881 పాయింట్ల అత్యధిక స్థాయి, 49,649 పాయింట్ల అత్యల్ప స్థాయిలను నమోదు చేసింది.
నిఫ్టీ 15,008 పాయింట్ల గరిష్ఠ స్థాయి, 14,723 పాయింట్ల కనిష్ఠ స్థాయిల మధ్య కదలాడింది.
లాభ నష్టాల్లోనివి ఇవే..
ఇండస్ఇండ్ బ్యాంక్, హెచ్డీఎఫ్సీ బ్యాంక్, ఐసీఐసీఐ బ్యాంక్, బజాజ్ ఫినాన్స్, టెక్ మహేంద్ర , ఎస్బీఐ, టాటాన్ షేర్లు లాభాలను గడించాయి.
రెడ్డీస్, టీసీఎస్, సన్ఫార్మా, మారుతి, పవర్ గ్రిడ్,షేర్లు నష్టపోయాయి.
