చైనాకు చెందిన టిక్టాక్ యాప్ను భారత్లో ప్లే స్టోర్, ఐ స్టోర్లు తొలగించాయి. దేశ అంతర్గత భద్రతా కారణాలతో టిక్టాక్ సహా 59 చైనా యాప్లను కేంద్రం నిషేధించిన నేపథ్యంలో ఈ నిర్ణయం తీసుకున్నాయి.
ప్రస్తుతానికి టిక్ టాక్, హలో యాప్లను ప్లే స్టోర్ నుంచి తొలగించగా.. మిగతా నిషేధిత యాప్లను త్వరలోనే తొలగించే అవకాశముంది.
టిక్ టాక్ ఏమంటోంది..
తమ యాప్పై నిషేధం విధిస్తూ కేంద్రం తీసుకున్న నిర్ణయంపై టిక్ టాక్ స్పందించింది. ప్రభుత్వ ఆదేశాలను పాటించే ప్రక్రియలో ఉన్నామని వెల్లడించింది. అయితే భారత టిక్ టాక్ యూజర్ల డేటాను చైనా సహా ఏ విదేశీ ప్రభుత్వంతో పంచుకోలేదని పేర్కొంది టిక్ టాక్.
ఈ విషయంపై ప్రభుత్వంతో చర్చించి యాప్ను తిరిగి పునరుద్ధరించేందుకు ఉన్న అవకాశాలను వెతుకుతున్నట్లు స్పష్టం చేసింది.
ఇవీ చూడండి:
