దేశవ్యాప్తంగా ఆక్సిజన్ కొరత వేధిస్తున్న నేపథ్యంలో.. హాంకాంగ్ నుంచి దిల్లీకి 1,000 ఆక్సిజన్ కాన్సంట్రేటర్లను తీసుకువస్తున్నట్లు స్పైస్జెట్ విమాన సంస్థ తెలిపింది. తమ కార్గో విమానాలైన స్పైస్ఎక్స్ప్రెస్ ద్వారా వీటిని తరలిస్తున్నట్లు చెప్పింది. అత్యవసర వినియోగం కోసం తమ స్పైస్ హెల్త్ విభాగంతో పాటు దేశవ్యాప్త పంపిణీ కోసం వీటిని అందజేయనున్నట్లు పేర్కొంది. కోల్కతా మీదుగా ఈ విమానాలు దిల్లీ చేరుకుంటాయని వెల్లడించింది.
ఆక్సిజన్ కాన్సంట్రేటర్ల రవాణాలో ఇది తాము చేపట్టిన రెండో అతిపెద్ద ప్రక్రియ అని స్పైస్ జెట్ పేర్కొంది. గత రెండు వారాల్లో 2,000కు పైగా ఆక్సిజన్ కాన్సంట్రేటర్లను తరలించామని చెప్పింది. రానున్న రోజుల్లో వివిధ దేశాల నుంచి భారత్కు 20,000 ఆక్సిజన్ కాన్సంట్రేటర్లను తీసుకురావాలనుకుంటున్నామని స్పైస్జెట్ మేనేజింగ్ డైరెక్టర్ అజయ్ సింగ్ తెలిపారు. ఆక్సిజన్ కొరత తీర్చే చర్యల్లో భాగంగా రాష్ట్ర ప్రభుత్వాలు, దేశవ్యాప్తంగా ఉన్న ఆసుపత్రులతో తాము మమేకమవుతూ పని చేస్తున్నామని చెప్పారు.
ఇదీ చూడండి: ఆర్థిక శాఖ కార్యదర్శిగా టీవీ సోమనాథన్
