ఐఫోన్ కొనాలనుకునే వారికి అమెజాన్ అదిరే ఆఫర్​

యాపిల్​ ఫోన్లు కొనుగోలు చేసేందుకు సరైన సమయం కోసం వెతుకుతుంటే.. అమెజాన్ మీ కోసం బంపర్ ఆఫర్ అందుబాటులోకి తెచ్చింది. శనివారం అర్ధరాత్రి నుంచి 'యాపిల్ డే' సేల్​ నిర్వహిస్తోంది. ఈ ఆఫర్​ పూర్తి వివరాలు ఇలా ఉన్నాయి.

గాడ్జెట్​లలో యాపిల్​కు ఉన్న క్రేజ్ అంతా ఇంతా కాదు. అయితే చాలా మందికి యాపిల్ ఐఫోన్ సహా ఇతర ఉత్పత్తులు కొనాలని ఉన్నా ధర ఎక్కువగా ఉండటం వల్ల కొనలేకపోతుంటారు. అయితే ఇలాంటి వారి కోసం ప్రముఖ ఈ కామర్స్ దిగ్గజం అమెజాన్ సరికొత్త ఆఫర్​ను తీసుకొచ్చింది.

శనివారం అర్ధరాత్రి (తెల్లవారితే జులై 19) నుంచి యాపిల్ డే పేరుతో ప్రత్యేక సేల్ నిర్వహిస్తోంది. ఇందులో ఐఫోన్లు, ఐ మ్యాక్​లు, ఐ వాచ్​లు సహా అన్ని రకాల ఉత్పత్తులపై భారీ డిస్కౌంట్లు ఇవ్వనున్నట్లు ప్రకటించింది. ఈ నెల 25 వరకు ఈ ఆఫర్​ కొనసాగుతుందని వెల్లడించింది.

యాపిల్ డే సేల్స్ డిస్కౌంట్లు ఇలా..

యాపిల్ ఐఫోన్​ 11, ఐఫోన్ 8 ప్లస్​ మోడళ్లపై రూ.5,400 ఫ్లాట్​ డిస్కౌంట్ ఇవ్వనున్నట్లు అమెజాన్ తెలిపింది. ఈ రెండు మోడళ్లు వరుసగా రూ.62,900, రూ.41,500లకు లభించనున్నట్లు వెల్లడించింది.

వివిధ గాడ్జెట్ల ఆధారంగా రూ.5,000 నుంచి రూ.7,000 వరకు తగ్గింపు ఉండే అవకాశముంది.

వీటితో పాటు హెచ్​డీఎఫ్​సీ క్రెడిట్​కార్డ్​, డెబిట్​ కార్డు ద్వారా చెల్లింపులు జరిపే వారికి అదనపు డిస్కౌంట్లు ఉంటాయని అమెజాన్ తెలిపింది. నో కాస్ట్ ఈఎంఐ సదుపాయం కూడా వర్తిస్తుందని పేర్కొంది.

యాపిల్ ఉత్పత్తులైన ఐఫోన్, ఐప్యాడ్, ఐపాడ్ టచ్​, మ్యాక్​, యాపిల్ టీవీ వంటివి కొనుగోలు చేసే వారికి నెలపాటు యాపిల్ టీవీ + సబ్​స్క్రిప్షన్​ ఉచితంగా లభించనుంది.

ఇదీ చూడండి:హోల్​సేల్ ధరలు తగ్గినా.. రిటైల్​ రేట్లకు రెక్కలు ఎందుకు?