హిమాలయాల్లోని ప్రఖ్యాత దైవక్షేత్రాలను దర్శించుకునేందుకు నిర్వహించే చార్ధామ్ యాత్రను ఉత్తరాఖండ్ ప్రభుత్వం వాయిదా వేసింది. కరోనా నేపథ్యంలో ఈ నిర్ణయం తీసుకుంది.
మే 17వ తేదీ నుంచి ఈ యాత్ర ప్రారంభం కావాల్సి ఉంది. అయితే.. రోజురోజుకు కేసులు పెరుగుతున్న వేళ చార్ధామ్ యాత్ర నిర్వహించడం ఈ ఏడాది కుదరదని ఉత్తరాఖండ్ సీఎం తీరథ్ సింగ్ రావత్ పేర్కొన్నారు. ఈ ఆలయాలు మాత్రం తెరిచే ఉంటాయని చెప్పారు. భక్తులకు అనుమతి ఉండదని, పూజారులే రోజువారి కార్యక్రమాలు చేపడతారని స్పష్టం చేశారు.
బద్రీనాథ్, కేదార్నాథ్, గంగోత్రి, యమునోత్రి క్షేత్రాలను చార్ధామ్గా వ్యవహరిస్తారు.
