ఉత్తర్ప్రదేశ్ ప్రతాప్గఢ్లో రూ.10 కోట్ల విలువ చేసే కల్తీ మద్యాన్ని పట్టుకున్నారు పోలీసులు. భూమిలో పాతిపెట్టిన 23వేల లిక్కర్ బాటిళ్లను జేసీబీ సాయంతో బయటకు తీశారు.
పరారీలో నిందితుడు..
గుడ్డు సింగ్ అనే వ్యక్తి ఫాంహౌస్లో ఈ మద్యాన్ని వెలికితీసినట్లు పోలీసు అధికారి కేపీ సింగ్ తెలిపారు. తనిఖీ నేపథ్యంలో నిందితుడు పరారైనట్లు వెల్లడించారు. 96 కెమికల్ డ్రమ్ములను స్వాధీనం చేసుకున్నట్లు పేర్కొన్నారు. ఒక్కో డ్రమ్ము విలువ రూ. 2 లక్షల వరకు ఉంటుందని అన్నారు.
వీటితో పాటు ఫాంహౌస్లో లక్ష 23 వేల చిన్న సీసాలు లభ్యమైనట్లు పోలీసులు తెలిపారు. ఇటీవల కల్తీ మద్యం తాగి యూపీలో చాలా మంది మృతిచెందారు. ఈ నేపథ్యంలో పోలీసులు తనిఖీలు నిర్వహిస్తున్నారు.
