మొదటి భార్య ఉండగానే రెండో వివాహం చేసుకున్నాడు ఓ వ్యక్తి. ఈ విషయం తెలుసుకున్న మొదటి భార్య వాగ్వాదానికి దిగడం వల్ల.. పెళ్లైన గంటకే రెండో భార్యకు విడాకులు ఇచ్చాడు. అనంతరం ఆమెను తన సోదరుడికి ఇచ్చి వివాహం చేశాడు. ఈ ఘటన ఉత్తర్ ప్రదేశ్లోని సంభాల్ జిల్లాలో జరిగింది.
ఇదీ జరిగింది
అస్మోలీ పోలీస్ స్టేషన్ పరిధిలోని సైద్నగలి గ్రామానికి చెందిన ఓ వ్యక్తికి 4 ఏళ్ల క్రితమే వివాహం జరిగింది. దంపతుల మధ్య గొడవలు తలెత్తడం వల్ల భార్య పుట్టింటికి వెళ్లిపోయింది. ఈ క్రమంలోనే ఒంటరిగా ఉన్న భర్త.. దబోయి ఖుర్ధ్ గ్రామానికి చెందిన ఓ యువతితో సంబంధం పెట్టుకున్నాడు. ఆమెను రెండో వివాహం చేసుకున్నాడు. ఈ విషయం తెలుసుకున్న మొదటి భార్య పెళ్లి మండపానికి చేరుకుని వాగ్వాదానికి దిగింది. తాను బతికే ఉండగా రెండో వివాహం ఎలా చేసుకుంటారని ప్రశ్నించింది.
సమాచారం అందుకున్న పోలీసులు ఘటనా స్థలానికి చేరుకున్నారు. రెండో పెళ్లి చేసుకున్న నిందితుడిని అదుపులోకి తీసుకుని పోలీస్ స్టేషన్కు తీసుకువచ్చారు. అనంతరం పంచాయితీ పెట్టగా.. రెండో భార్యకు విడాకులు ఇచ్చి తన సోదరుడికే ఇచ్చి వివాహం జరిపించాడు. దీంతో గొడవ సద్దుమణిగింది. దీనిపై ఎలాంటి ఫిర్యాదు తమకు అందలేదని పోలీసులు చెప్పారు.
ఇవీ చదవండి: ముగ్గురు పిల్లల తల్లితో సంబంధం.. పెళ్లి చేసుకోమందని 35సార్లు కత్తితో పొడిచి హత్య
వృద్ధుడి ముక్కులో 5 అంగుళాల జలగ.. చూసి షాకైన డాక్టర్లు.. కానీ శ్రమించి..
