వచ్చే ఏడాది జరగనున్న ఐదు రాష్ట్రాల అసెంబ్లీ ఎన్నికల్లో అధికారమే లక్ష్యంగా.. భాజపా సన్నాహాలు ప్రారంభించింది. ఇందులో భాగంగా.. పలువురు కేంద్ర మంత్రులు సహా ఆ పార్టీ సీనియర్ నేతలు.. దిల్లీలో శనివారం భేటీ అయ్యారు. ఎన్నికల్లో అనుసరించాల్సిన వ్యూహాలపై వారు చర్చించారు. ఈ సమావేశానికి భాజపా జాతీయ అధ్యక్షుడు జేపీ నడ్డా నేతృత్వం వహించగా.. కేంద్ర మంత్రులు అమిత్ షా, నిర్మలా సీతారామన్, నరేంద్ర సింగ్ తోమర్, స్మృతి ఇరానీ, కిరణ్ రిజిజు తదితరులు పాల్గొన్నారని భాజపా వర్గాలు తెలిపాయి.
ఐదు రాష్ట్రాల ఎన్నికల సన్నాహంపైనే ప్రధానంగా తాము చర్చించామని భేటీ అనంతరం ఓ సీనియర్ నేత తెలిపారు. ఉత్తర్ప్రదేశ్, ఉత్తరాఖండ్, పంజాబ్, మణిపుర్, గోవా రాష్ట్రాల్లో 2022 ప్రారంభంలో అసెంబ్లీ ఎన్నికలు జరగనున్నాయి. పంజాబ్ మినహా మిగతా రాష్ట్రాల్లో భాజపానే ప్రస్తుతం అధికారంలో ఉంది.
ఈ ఎన్నికలకు సమాయత్తమయ్యేందుకు భాజపా ఇటీవల వరుసగా సమావేశాలు నిర్వహిస్తోంది. అతిపెద్ద రాష్ట్రమైన ఉత్తర్ప్రదేశ్లో ఈసారి ఎన్నికలు.. భాజపాకు కీలకంగా నిలవనున్నాయి.
ఇదీ చూడండి: ఎలక్ట్రోరల్ ట్రస్టుల ద్వారా భాజపాకు రూ.276.45 కోట్లు!
ఇదీ చూడండి: కత్తులతో పొడిచి భాజపా నేత దారుణ హత్య
