టీటీడీలో ఉద్యోగాలు - దరఖాస్తుకు మరో రెండు రోజులే!

Last Date to Apply TTD Recruitment 2023 : తిరుమల తిరుపతి దేవస్థానంలో (TTD)లో ఉద్యోగాల భర్తీకి ఇటీవల నోటిఫికేషన్​ విడుదలైన సంగతి తెలిసిందే. ఇందులో ఏఈఈ, ఏఈ, ఏటీవో పోస్టుల కోసం నోటిఫికేషన్​ జారీ అయ్యింది. ఈ నోటిఫికేషన్‌ ద్వారా 56 ఇంజినీర్ల పోస్టుల భర్తీ చేపట్టనుంది. ఈ ఉద్యోగాలను శాశ్వత ప్రాతిపదికన భర్తీ చేయనున్నారు. అర్హత, ఆసక్తిగల అభ్యర్థులు ఆన్‌లైన్‌లో దరఖాస్తు చేసుకోవచ్చు. అయితే ఈ జాబ్స్​కు అప్లై చేయడానికి లాస్ట్​ డేట్​ నవంబర్​ 23, 2023. దీనికి సంబంధించిన పూర్తి వివరాలను ఇప్పుడు చూద్దాం..

ఎవరు అర్హులు..?: ఆంధ్రప్రదేశ్‌లోని హిందూ మతానికి చెందిన అభ్యర్థులు మాత్రమే TTD ఉద్యోగాలకు అప్లయ్‌ చేసుకోవాల్సి ఉంటుందని నోటిఫికేషన్​లో పేర్కొన్నారు.

మొత్తం ఎన్ని ఉద్యోగాలు..?: తిరుమల తిరుపతి దేవస్థానం విడుదల చేసిన జాబ్ నోటిఫికేషన్​లో మొత్తం 56 ఉద్యోగాలు ఉన్నాయి. ఇందులో.. అసిస్టెంట్ ఎగ్జిక్యూటివ్ ఇంజినీర్ (సివిల్) పోస్టులు 27 ఉన్నాయి. అసిస్టెంట్ ఇంజనీర్ (సివిల్) పోస్టులు 10 ఉన్నాయి. అసిస్టెంట్ టెక్నికల్ ఆఫీసర్ (సివిల్) పోస్టులు 19 ఉన్నాయి. అన్నీ కలిపి మొత్తం 56 పోస్టులకు టీటీడీ దరఖాస్తులు ఆహ్వానిస్తోంది.

తిరుమల వెంకటేశ్వర స్వామి ఆస్తి ఎంతో మీకు తెలుసా..?

విద్యార్హతలు ఏంటి..? ఈ ఉద్యోగాలకు దరఖాస్తు చేసుకునే వారికి సంబంధించిన విద్యార్హతలను కూడా టీటీడీ స్పష్టం చేసింది. బీఈ, బీటెక్‌ (సివిల్‌/ మెకానికల్‌), ఎల్‌సీఈ/ఎల్‌ఎంఈ డిప్లొమా (సివిల్ ఇంజినీరింగ్)లో ఉత్తీర్ణులై ఉండాలని నోటిఫికేషన్లో పేర్కొంది. దీంతో పాటు వయసు కూడా మెన్షన్ చేసింది. ఈ ఉద్యోగాలకు దరఖాస్తు చేసుకునే అభ్యర్థుల వయసు 42 సంవత్సరాలకు మించకూడదని స్పష్టం చేసింది.

ఫీజు ఎంత: టీటీడీ నోటిఫికేషన్​ ప్రకారం.. అప్లికేషన్​ ఫీజు OC వాళ్లకి 120 రూపాయలు కాగా.. మిగిలిన వారికి(SC, ST, BC, EWS,) ఫీజు లేదు.

ఎలా ఎంపిక చేస్తారు..?: టీటీడీ ఆధ్వర్యంలో భర్తీ చేస్తున్న ఈ ఉద్యోగాలను రెండు దశల్లో పూర్తి చేస్తారు. అభ్యర్థులకు ముందుగా రాత పరీక్ష నిర్వహిస్తారు. ఆ తర్వాత ఇంటర్వ్యూలు నిర్వహిస్తారు. ఇందులో ఉత్తీర్ణులైన వారిని ఉద్యోగానికి ఎంపిక చేస్తారు.

వేతనం ఎంత చెల్లిస్తారు..? టీటీడీ నోటిఫికేషన్​ ప్రకారం.. ఏఈఈ ఉద్యోగానికి ఎంపికైన వారికి నెలకు రూ.57వేల 100 నుంచి లక్షా 47వేల 760 వరకు చెల్లిస్తారు. ఏఈ జాబ్​కు సెలక్ట్​ అయిన వారికి రూ.48వేల 440 నుంచి లక్షా 37వేల 220 వరకు ఇస్తారు. ఏటీవో పోస్టులకు ఎంపికైతే.. రూ.37వేల 640 నుంచి లక్షా 15వేల 500 వరకు వేతనంగా చెల్లిస్తారు. ఈ జాబ్స్​కు దరఖాస్తు చేసుకోవడానికి చివరితేది నవంబర్‌ 23, 2023.

పూర్తి వివరాలకు వెబ్‌సైట్‌: https://ttd-recruitment.aptonline.in/ని సందర్శించి రిజిస్ట్రేషన్​ ప్రాసెస్​ కంప్లీట్​ చేసి జాబ్​కు అప్లై చేసుకోవచ్చు.