Telangana Intermediate Exam Dates 2024 : తెలంగాణ ఇంటర్మీడియట్ పరీక్షల తేదీలను తెలంగాణ స్టేట్ ఇంటర్మీడియట్ బోర్డు(TSBIE) ప్రకటించింది. వచ్చే ఏడాది ఫిబ్రవరి 28 నుంచి మార్చి 18వ తేదీ వరకు పరీక్షలు జరగనున్నాయి. ఫిబ్రవరి 1 నుంచి 15 వరకు ఇంటర్ ప్రాక్టికల్స్ నిర్వహించనున్నారు. ఫిబ్రవరి 28 నుంచి మార్చి 18 వరకు ఇంటర్ మొదటి ఏడాది పరీక్షలు నిర్వహించగా, ఫిబ్రవరి 29 నుంచి మార్చి 19 వరకు ఇంటర్మీడియట్ రెండో ఏడాది పరీక్షలు జరుగనున్నాయి. ఈ పరీక్షలు ఉదయం 9 గంటల నుంచి మధ్యాహ్నం 12 వరకు నిర్వహించనున్నట్లు తెలంగాణ స్టేట్ ఇంటర్మీడియట్ బోర్డు ప్రకటన విడుదల చేసింది.
ప్రాక్టికల్స్ పరీక్షలు : ఫిబ్రవరి 1వ తేదీ నుంచి 15వ తేదీ వరకు ఇంటర్ ప్రాక్టికల్స్ జరగనున్నాయి. రెండో శనివారం, ఆదివారాల్లో కూడా ప్రాక్టికల్స్ జరగనున్నాయి. రెండు సెషన్స్లలో జరుగుతాయి. ఉదయం సెషన్ 9 నుంచి 12 గంటల వరకు, మధ్యాహ్నం సెషన్ 2 గంటల నుంచి సాయంత్రం 5 గంటల వరకు జరుగుతాయి. మొదటి సంవత్సరం విద్యార్థులకు అదీ కూడా 2023-24లో జాయిన్ అయిన విద్యార్థులకు మాత్రమే ఫిబ్రవరి 16వ తేదీన(ఒక్క రోజు) మాత్రమే ఇంగ్లీష్ మొదటి సంవత్సరం ఫైనల్ ప్రాక్టికల్ నిర్వహిస్తారు.
ఎథిక్స్, హ్యూమన్ వాల్యూస్ పరీక్ష : ఈ పరీక్షను 2023-24 విద్యా సంవత్సరానికి ముందు ప్రవేశించిన పాత విద్యార్థులకు, బ్యాక్ లాగ్ ఉన్న విద్యార్థులకు ఫిబ్రవరి 17న ఉదయం 10 గంటల నుంచి మధ్యాహ్నం 1 గంట వరకు నిర్వహిస్తారు.
ఇంటర్ ఫస్టియర్‌ పరీక్ష తేదీలు :
- ఫిబ్రవరి 28 - పార్ట్‌ 2 (సెకండ్‌ లాంగ్వేజి పేపర్-1)
- మార్చి 4 - పార్ట్‌ 3 (మేథమేటిక్స్‌ పేపర్-1ఏ, బోటనీ పేపర్-1, పొలిటికల్‌ సైన్స్‌ పేపర్-1)
- మార్చి 6 - మేథమేటిక్స్‌ పేపర్ 1బి, జువాలజీ పేపర్-1, హిస్టరీ పేపర్-1
- మార్చి 11- ఫిజిక్స్‌ పేపర్-1, ఎకనామిక్స్‌ పేపర్-1
- మార్చి 13 - కెమెస్ట్రీ పేపర్-1, కామర్స్‌ పేపర్-1
- మార్చి 15 - పబ్లిక్‌ అడ్మినిస్ట్రేషన్‌ పేపర్-1, బ్రిడ్జి కోర్స్‌ మ్యాథ్స్‌ పేపర్-1 (ఫర్ బైపీసీ స్టూడెంట్స్‌)
- మార్చి 18 - మోడరన్‌ లాంగ్వేజ్‌ పేపర్-1, జియోగ్రఫీ పేపర్-1
ఇంటర్ సెకండ్‌ ఇయర్‌ పరీక్ష తేదీల :
- ఫిబ్రవరి 29 - పార్ట్‌ 2 (సెకండ్‌ లాంగ్వేజ్‌ పేపర్-2)
- మార్చి 2 - పార్ట్‌ 1 (ఇంగ్లీష్ పేపర్-2)
- మార్చి 5 - పార్ట్‌ 3 (మేథమేటిక్స్‌ పేపర్ 2ఏ, బోటనీ పేపర్ 2, పొలిటికల్‌ సైన్స్‌ పేపర్ 2)
- మార్చి 7 - మేథమేటిక్స్‌ పేపర్ 2బి, జూవాలజీ పేపర్-2, హిస్టరీ పేపర్-2
- మార్చి 12 - ఫిజిక్స్‌ పేపర్-2, ఎకనామిక్స్‌ పేపర్-2
- మార్చి 14 - కెమెస్ట్రీ పేపర్ -2, కామర్స్‌ పేపర్-2
- మార్చి 16 - పబ్లిక్‌ ఆడ్మినిస్ట్రేషన్‌ పేపర్-2, బ్రిడ్జి కోర్స్‌ మ్యాథ్స్‌ పేపర్-2 (ఫర్ బైపీసీ స్టూడెంట్స్‌)
- మార్చి 19 - మోడరన్‌ లాంగ్వేజ్‌ పేపర్-2, జియోగ్రఫీ పేపర్-2
