ఉత్తర్ప్రదేశ్లోని హమీర్పుర్లో దారుణం జరిగింది. స్నేహితుడితో కలిసి సిటీలో ఉన్న అటవీ ప్రాంతానికి వెళ్లిన ఓ బాలికపై ఆరుగురు యువకులు దాడి చేశారు. అనంతరం ఆమెను వివస్త్రను చేసి మొబైల్లో వీడియో తీసి వైరల్ చేశారు. సమాచారం అందుకున్న పోలీసులు దర్యాప్తు చేపడుతున్నారు.
ఇదీ జరిగింది.. హమీర్పుర్ నగరానికి చెందిన ఓ బాలిక తన స్నేహితుడితో కలిసి సిటీ ఫారెస్ట్ ప్రాంతానికి వెళ్లింది. మొత్తం తిరిగాక ఓ చోట ఇద్దరూ కూర్చుని మాట్లాడుకుంటున్నారు. అదే సమయంలో ఆరుగురు యువకులు గుంపుగా వచ్చి వారిద్దరిపై దాడి చేశారు. ఆ తర్వాత బాలిక దుస్తులు చించేసి మొబైల్లో వీడియో తీశారు. ఆ వీడియోను వారి స్నేహితులకు పంపి వైరల్ చేశారు. అయితే ఘటనపై సమాచారం అందుకున్న పోలీసులు.. దర్యాప్తు ప్రారంభించారు. బాధితురాల్ని పిలిచి విచారణ జరిపారు. ఆరుగురు యువకుల్లో పోలీసులు ముగ్గుర్ని అరెస్ట్ చేశారు.
"బాధితురాలితో పాటు ఆమె స్నేహితుడిపై నిందితులు దాడి చేశారు అనంతరం డబ్బులు వసూలు చేయడానికి ప్రయత్నించారు. ఘటనపై విచారణ జరుపుతున్నాం. ముగ్గుర్ని అరెస్ట్ చేశాం. మరో ముగ్గురు పరారీలో ఉన్నారు" అని హమీర్పుర్ పోలీసులు తెలిపారు.
గ్యాంగ్రేప్ చేసి బలవంతంగా అబార్షన్..
ఉత్తర్ప్రదేశ్లో మరో దారుణ ఘటన వెలుగు చూసింది. నాలుగు నెలల క్రితం సామూహిక అత్యాచారానికి గురైన ఓ బాలిక గర్భం దాల్చింది. ఆ విషయం తెలుసుకున్న కామాంధులు చిన్నారిని కిడ్నాప్ చేసి అబార్షన్ చేయించారు. బాధితురాలి కుటుంబ సభ్యుల ఫిర్యాదు అందుకున్న పోలీసులు కేసు నమోదు చేశారు.
పోలీసుల వివరాల ప్రకారం.. మహులి పోలీస్స్టేషన్ పరిధిలో ఓ గ్రామానికి చెందిన మనోజ్, గోపాల్ అనే ఇద్దరు యువకులు.. అదే గ్రామానికి చెందిన ఓ 12 ఏళ్ల బాలికపై 4 నెలల క్రితం సామూహిక అఘాయిత్యానికి పాల్పడ్డారు. తాజాగా బాధితురాలు గర్భం దాల్చింది. ఆ విషయం తెలుసుకున్న నిందితులు.. బాలికను బుధవారం అర్ధరాత్రి కిడ్నాప్ చేసి స్థానికంగా ఉన్న అర్హత లేని ఓ వైద్యుడి దగ్గర అబార్షన్ చేయించారు. వెంటనే బాధితురాలి కుటుంబ సభ్యులు నిందితులపై ఫిర్యాదు చేశారు. అయితే అత్యాచారం జరిగి నాలుగు నెలలు అవుతున్నా పోలీసులు ఎలాంటి చర్యలు తీసుకోలేదని బాలిక తండ్రి ఆరోపించారు.
అత్యాచారం చేశారంటూ ప్రిన్సిపాల్పై ఫిర్యాదు..
కర్ణాటక.. ధార్వాడ్ జిల్లాలోని ఓ ప్రైవేట్ కాలేజీ ప్రిన్సిపాల్తో పాటు ప్రెసిడెంట్పై ఇద్దరు విద్యార్థినులు పోలీసులకు ఫిర్యాదు చేశారు. పలు ప్రాంతాలకు తీసుకెళ్లి తమపై అత్యాచారానికి పాల్పడ్డారంటూ విద్యార్థినులు ఫిర్యాదులో పేర్కొన్నారు.
ఫిర్యాదు అందుకున్న పోలీసులు.. ప్రిన్సిపాల్, ప్రెసిడెంట్పై పోక్సో చట్టం కింద కేసు నమోదు చేశారు. ప్రిన్సిపాల్ మహదేవ కురవట్టిగౌడ్‌ను అదుపులోకి తీసుకుని విచారణ చేపడుతున్నారు. పరారీలో ఉన్న ప్రెసిడెంట్ బసవరాజ్‌ యాదవన్నవర కోసం గాలిస్తున్నారు. బాధితురాళ్లను ఆసుపత్రికి తరలించి వైద్య పరీక్షలు జరిపించారు పోలీసులు.
విద్యార్థిపై టీచర్ దాడి.. ఆస్పత్రిలో చికిత్స పొందుతూ మృతి
ఉత్తర్ప్రదేశ్లోని సిర్సియా పోలీస్స్టేషన్ పరిధికి చెందిన ఓ 13 ఏళ్ల విద్యార్థి మరణించాడు. అయితే తన మేనల్లుడ్ని ఉపాధ్యాయుడు బలంగా కొట్టాడని బాలుడి మామయ్య పోలీసులకు ఫిర్యాదు చేశాడు. తీవ్రంగా కొట్టడం వల్లే బాలుడు అస్వస్థతకు గురయ్యాడని, ఆ తర్వాత ఆసుపత్రిలో చికిత్స పొందుతూ మరణించాడని ఫిర్యాదులో పేర్కొన్నాడు. అయితే ఉపాధ్యాయుడిపై కేసు నమోదు చేశామని, దర్యాప్తు చేపడుతున్నామని ఎస్ఐ మౌర్య తెలిపారు.
ఇవీ చదవండి: జైల్లో ఖైదీ హత్య, 15 మందికి ఉరిశిక్ష విధిస్తూ కోర్టు సంచలన తీర్పు
లేనివి ఉన్నట్లు చూపి రూ 150 కోట్ల స్కాం, విచారణకు ఆదేశించిన సర్కార్
