మౌలి ఫ్యామిలీ పాన్‌హౌస్.. ఇది మాములు పాన్ షాప్ కాదండోయ్. ఈ షాపులో దాదాపు 600 రకాల పాన్లు దొరుకుతాయి. ఈ షాప్లో ఇరవై ఐదు రూపాయల పాన్ నుంచి.. లక్షన్నర రూపాయల ధరల వరకు పాన్లు అందుబాటులో ఉంటాయి. మహారాష్ట్రలోని నాశిక్లో ఉంది ఈ మౌలి ఫ్యామిలీ పాన్‌హౌస్. గత ఎనిమిది ఏళ్లుగా ఈ పాన్ షాపును నిర్వహిస్తున్నాని చెబుతున్నాడు గణేశ్ దుక్రే అనే యువకుడు.
గణేశ్ దుక్రే బీఏ డిగ్రీ పూర్తి చేశాడు. అనంతరం కొద్ది రోజులు ఉద్యోగ ప్రయత్నాలు చేశాడు. ఎటువంటి ఉద్యోగం దొరకని కారణంగా తానే సొంతంగా వ్యాపారం చేయాలని నిశ్చయించుకున్నాడు. వెంటనే.. ఓ పాన్ షాపు ప్రారంభించాలని తలిచాడు. అందుకోసం పుణె వెళ్లి ఓ పాన్ షాప్లో కొన్ని రోజులు పనిచేశాడు. అక్కడ వివిధ ఆకులు, పాన్ల గురించి తెలుసుకున్నాడు. అనంతరం నాసిక్ వచ్చి వ్యాపారం ప్రారంభించాడు. ఈ పాన్‌హౌస్కు చాలా మంది అభిమానులే ఉన్నారు. నాశిక్ వచ్చిన పర్యటకులు.. కచ్చితంగా ఈ పాన్ షాపునకు వస్తుంటారు.
మా దగ్గర మొత్తం 600 రకాల పాన్లు దొరుకుతాయి. గుల్కాడ్ పాన్, మగాయి పాన్, ఫ్రూట్ పాన్, ఐస్పాన్, ఐస్క్రీమ్ పాన్, జీలీ పాన్ ఉన్నాయి. లిక్విడ్ పాన్ల్లో పాన్ షేక్, పాన్ షాటే, పాన్ ముజిదే వంటివి ఉన్నాయి. 25 రూపాయల నుంచి లక్షన్నర రూపాయల వరకు ఇక్కడ లభ్యమవుతాయి.
-గణేశ్ దుక్రే, పాన్ షాపు యజమాని
"చాలా ఏళ్లుగా నేను ఈ మౌలి ఫ్యామిలీ పాన్‌హౌస్లో పాన్ తింటున్నాను. భోజనం చేసిన తరువాత ఓ పాన్ తింటే ఆరోగ్యంగా ఉండొచ్చు. ఇక్కడ ఆయుర్వేదిక్ పాన్, మిటా పాన్లు ఉంటాయి. నేను ఈ షాప్లో ఉన్న చాలా పాన్లు ట్రై చేశాను." అని పాన్ షాప్కు రెగ్యులర్ కస్టమర్ అక్షయ్ దేశ్ముఖ్ తెలిపారు.
