Parents killed their son: కొడుకును తల్లిదండ్రులే హత్య చేసి.. మూటగట్టి సైకిల్పై ఊరిబయటకు తీసుకెళ్లి కాల్చేసిన సంఘటన తమిళనాడు మదురై జిల్లాలో జరిగింది. సీసీటీవీ కెమెరాల్లో ఈ దృశ్యాలు నమోదయ్యాయి.
ఏం జరిగింది?
మదురై జిల్లాలోని కారిమేడు పోలీసులకు వైగాయ్ రివర్ సమీపంలో కాలిన మృతదేహం ఉన్నట్లు శుక్రవారం సమాచారం అందింది. వెంటనే అక్కడికి చేరుకున్న పోలీసులు.. మృతదేహాన్ని స్వాధీనం చేసుకుని పోస్ట్మార్టం నిమిత్తం మదురై ప్రభుత్వ రాజాజీ ఆసుపత్రికి తరలించారు. కేసు నమోదు చేసి దర్యాప్తు చేపట్టారు.
ఈ క్రమంలో మృతుడు మదురైలోని అరప్పాలయమ్కు చెందిన మనికందన్(42)గా గుర్తించారు. అతనికి భార్య, తల్లిదండ్రులు(మురుగేశన్, క్రిష్ణవేణి) ఉన్నారు. మణికందన్ మద్యానికి బానిసయ్యాడని, రోజూ తాగొచ్చి కుటుంబసభ్యులతో గొడవకు దిగేవాడని ప్రాథమిక విచారణలో తేలినట్లు చెప్పారు పోలీసులు.
మణికందన్ ప్రవర్తనతో విసిగెత్తిపోయారు తల్లిదండ్రులు మురుగేశన్, క్రిష్ణవేణి. గురువారం రాత్రి అతడ్ని హత్య చేశారు. మృతదేహాన్ని మూటగట్టి గుట్టుచప్పుడు కాకుండా సైకిల్పై తీసుకెళ్లి నది సమీపంలో కాల్చేశారు. దర్యాప్తులో భాగంగా సీసీటీవీ కెమెరాలు పరిశీలించిన పోలీసులకు ఈ దృశ్యాలు చిక్కాయి.
సీసీటీవీ దృశ్యాల ఆధారంగా మురుగేశన్, క్రిష్ణవేణిలను అరెస్ట్ చేశారు పోలీసులు. ఈ కేసులో వేరే ఏమైనా కారణాలు ఉన్నాయా అనే కోణాల్లో లోతైన దర్యాప్తు చేపట్టారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి:మొక్కేకదా అని పీకేస్తే.. కొట్టి చంపిన మైనర్
