ఒడిశాలోని ఢెంకానాల్లో.. పెళ్లైన మూడు రోజులకే ఓ మహిళ ఆత్మహత్యకు పాల్పడింది. ఇంట్లోని ఓ గదిలో ఫ్యాన్కు వేలాడుతున్న ఆ వివాహితను చూసి.. కుటుంబసభ్యులు కన్నీరుపెట్టుకున్నారు. అయితే మానసిక స్థితి సరిగ్గా లేకపోవడం వల్లే ఆమె ఆత్మహత్య చేసుకుందని తెలుస్తోంది.
ఏం జరిగిందంటే?
ఢెంకనాల్ జిల్లా హిందోల్ పరిధిలోని కలందా గ్రామానికి చెందిన హరిహర నాయక్ కుమార్తెకు.. బిదబంఢ వాసి అయిన మదన్ మోహన్ నాయక్తో ఈ నెల 17న వివాహమైంది. అయితే.. ఆమె పదో తరగతి చదువుతున్నప్పటి నుంచే మానసిక స్థితి సరిగ్గా ఉండేది కాదు. ఆమె తరచూ వైద్యులను సంప్రదించి, మందులు వాడేది. ఈ విషయాన్ని దాచి పెట్టి.. ఆమెకు వివాహం చేశారు తల్లిదండ్రులు. ఇలా మానసిక వ్యాధితోనే అత్తారింట్లో కాలుమోపిందా నవ వధువు. ఇంతలో ఆమె వ్యాధి తీవ్రమై.. తట్టుకోలేక శనివారం ఉదయం ఆత్మహత్యకు పాల్పడింది. ఈ విషయాలన్నీ ఆమె తల్లిదండ్రులు పోలీసులకు వివరించారు.
ఈ పూర్తి వ్యవహారంపై కేసు నమోదు చేసుకున్న పోలీసులు దర్యాప్తు చేపట్టారు. పోస్టుమార్టం నిమిత్తం మృతదేహాన్ని ఆస్పత్రికి తరలించారు.
ఇదీ చదవండి: బామ్మ ఘనత: 80 ఏళ్ల వయసులో పీహెచ్డీ
