ముంబయిలో సంచలనం సృష్టించిన క్రూయిజ్ షిప్ డ్రగ్స్ కేసు చుట్టూ రాజకీయ రంగు పులుముకుంటోంది. షారుఖ్‌ తనయుడు అరెస్టైన ఈ కేసులో ముగ్గురిని ఓ భాజపా నాయకుడి ప్రొద్బలంతో నార్కొటిక్స్ కంట్రోల్ బ్యూరో(ఎన్సీబీ) అధికారులు తప్పించారని మహారాష్ట్ర మంత్రి నవాబ్ మాలిక్ ఆరోపించారు. ఈ మేరకు కొన్ని వీడియోలను మంత్రి విడుదల చేశారు.
క్రూయిజ్ షిప్‌పై దాడి అనంతరం 11 మందిని అదుపులోకి తీసుకున్నట్లు తొలుత ఎన్సీబీ అధికారులు వెల్లడించారని నవాబ్ మాలిక్ గుర్తుచేశారు. కానీ, వారిలో 8 మందిని మాత్రమే అరెస్టు చేశారని ఆరోపించారు. రిషభ్‌ సత్యదేవ్, ప్రతిక్‌ గాబా, అమిర్‌ ఫర్నిచర్‌వాలాను ఓ భాజపా నాయకుడితో మాట్లాడిన అనంతరం ఎన్సీబీ అధికారులు విడుదల చేశారని మంత్రి ఆరోపించారు. ఆ ముగ్గురిని ఎవరి ఆదేశాల మేరకు డ్రగ్స్ కేసు నుంచి తప్పించారో ఎన్సీబీ తెలపాలని మంత్రి డిమాండ్‌ చేశారు. ఈ విషయమై మహారాష్ట్ర సీఎం ఉద్ధవ్‌ ఠాక్రేకు లేఖ కూడా రాసినట్లు పేర్కొన్నారు.
ఇవీ చూడండి:
