జో బైడెన్​కు ప్రధాని మోదీ శుభాకాంక్షలు

అగ్రరాజ్య అధ్యక్షుడిగా బాధ్యతలు చేపట్టిన జో బైడెన్​కు శుభాకాంక్షలు తెలిపారు భారత ప్రధాన మంత్రి నరేంద్ర మోదీ. ఆయనతో కలిసి పనిచేసేందుకు సిద్ధంగా ఉన్నామన్నారు.

అమెరికా 46వ అధ్యక్షుడిగా ప్రమాణ స్వీకారం చేసిన జో బైడెన్​కు శుభాకాంక్షలు తెలిపారు భారత ప్రధాని నరేంద్ర మోదీ. బైడెన్​తో కలిసి పని చేసేందుకు ఎదురుచూస్తున్నట్టు పేర్కొన్నారు మోదీ.

"అమెరికా అధ్యక్షుడిగా బాధ్యతలు స్వీకరించిన బైడెన్​కు హృదయపూర్వక అభినందనలు. భారత్​- అమెరికా వ్యూహాత్మక భాగస్వామాన్ని బలోపేతం చేసేందుకు.. ఆయనతో కలిసి పనిచేసేందుకు నేను ఎదురుచూస్తున్నా."

- నరేంద్ర మోదీ, ప్రధాన మంత్రి

వెంకయ్య..

అగ్రరాజ్య అధ్యక్షుడు, ఉపాధ్యక్షురాలిగా ప్రమాణం స్వీకారం చేసిన జో బైడెన్​, కమలా హారిస్​లకు అభినందనలు తెలిపారు భారత ఉపరాష్ట్రపతి ఎం. వెంకయ్యనాయుడు. ఇరుదేశాల మధ్య ద్వైపాక్షిక సంబంధాలు భాగస్వామ్య విలువలపై ఆధారపడి ఉన్నాయన్న ఆయన.. రాబోయే కాలంలో ఈ బంధం కచ్చితంగా బలపడుతుందని తాను విశ్వసిస్తున్నట్టు పేర్కొన్నారు.

ఇదీ చదవండి: సాగు చట్టాలపై దిగొచ్చిన కేంద్రం