కారులో మంటలు చెలరేగిన (Car Accident News) ఘటనలో మేఘాలయ మాజీ ముఖ్యమంత్రి ఈకే మౌలాంగ్ కుమారుడు ఫెర్డినాండ్ బాన్షన్ లింగ్డో సజీవ దహనమయ్యారు. ఈ ఘటన రి-భోయ్ జిల్లాలో జరిగినట్లు పోలీసులు తెలిపారు. ఇంఫాల్లోని కేంద్ర వ్యవసాయ విశ్వవిద్యాలయానికి అనుబంధంగా ఉన్న కాలేజీలో అసిస్టెంట్ ప్రొఫెసర్గా ఫెర్డినాండ్ బాన్షన్ లింగ్డో పని చేస్తున్నట్లు పోలీసులు గుర్తించారు. ఈయన ప్రసుత్తం అక్కడ ఎమ్మెల్యేగా ఉన్న జార్జి లింగ్డో సోదరుడని తెలిపారు.
హీల్లాంగ్- గువాహటి జాతీయ రహదారిపై ఉన్న ఉమ్రన్ వద్ద ప్రమాదానికి గురైన కారును పోలీసులు గుర్తించారు. ఫెర్డినాండ్ బాన్షన్ లింగ్డో చనిపోయిన విషయాన్ని అతని కుటుంబ సభ్యులు ధ్రువీకరించారు. దీనిపై కేసు నమోదు చేసిన పోలీసులు విచారణ చేపట్టారు.
ఇదీ చూడండి: పాక్ నుంచి జమ్మూకు డ్రోన్ ద్వారా ఆయుధాలు!
