లింగమార్పిడి చేసుకుని మరీ యువతిని పెళ్లి చేసుకుంది మరో యువతి. రాజస్థాన్లోని భరత్పుర్కు చెందిన మీరా కుంతల్ అనే పీటీ టీచర్ లింగమార్పిడి చేసుకుని పురుషుడిగా మారింది. తన విద్యార్థిని కల్పనను పెద్దల అనుమతితో పెళ్లి చేసుకుంది. మీరా నేషనల్ లెవెల్ ఛాంపియన్ కాగా.. కల్పన కూడా కబడ్డీలో మంచి గుర్తింపు పొందిన ప్లేయర్.
ఇదీ జరిగింది.. మీరా కుంతల్ (లింగమార్పిడి అనంతరం ఆరవ్).. నాగ్లా మోతి గ్రామంలోని ప్రభుత్వ సెకండరీ స్కూల్లో పీటీ టీచర్గా పని చేస్తోంది. అక్కడ అమ్మాయిలకు కబడ్డీలో శిక్షణ ఇస్తుండేది. అయితే మీరా అడపిల్లలాగ పుట్టినా.. చిన్నప్పటినుంచి పురుష లక్షణాలు ఉన్నాయని ఆమె తండ్రి చెప్పారు. చూడటానికి ఆడవాళ్లలా కనిపించినా.. మీరాకు మాత్రం పురుషుల్లా జీవించాలని ఉండేది. దీంతో ఓ మానసిక వైద్యుడిని సంప్రదించగా.. ఆమెకు జెండర్ డిస్ఫోరియా అనే వ్యాధి ఉందని నిర్ధరించారు. దీంతో లింగ మార్పిడి చేసుకునేందుకు నిర్ణయించుకుంది మీరా. దీనికి మీరా కుటుంబ సభ్యులు కూడా ఒప్పుకున్నారు. 2019 డిసెంబర్ 15 నుంచి లింగ మార్పిడి కోసం అనేక శస్త్ర చికిత్స చేయించుకుని ఆరవ్గా మారింది. అయితే మీరా పీటీ టీచర్గా ఉన్నప్పుడే కల్పన అనే అమ్మాయితో మంచి స్నేహం ఏర్పడింది. శస్త్ర చికిత్స జరుగుతున్న సమయంలో కల్పన ఆరవ్ను దగ్గరుండి చూసుకుంది. ఆ సమయంలోనే వీరిద్దరి మధ్య ప్రేమ మొదలైంది. అనంతరం కుటుంబ సభ్యుల అనుమతితో నవంబర్ 4న పెళ్లి చేసుకున్నారు.
మీరా కోచ్గా ఉన్నప్పుడు 10వ తరగతి చదువుతున్న కల్పన రాష్ట్ర స్థాయిలో రాణించింది. ఆ తర్వాత ఇంటర్మీడియెట్లో, డిగ్రీ స్థాయిలోనూ తన ఆటతో సత్తా చాటింది. 2023లో దుబాయిలో జరిగబోయే అంతర్జాతీయ ప్రో కబడ్డీ లీగ్లోనూ పాల్గొననుంది. మీరా.. క్రికెట్లో మూడు సార్లు, హాకీలో నాలుగుసార్లు జాతీయ స్థాయి క్రీడల్లో రాణించింది. అనంతరం కబడ్డీ, వాలీబాల్ కోచ్గా కూడా పనిచేసింది. మీరా అక్కాచెల్లెళ్లు ఆరవ్ను సోదరుడిగా భావించి రాఖీ కడుతున్నారు. వాళ్ల పిల్లలు ఆరవ్ను ఇప్పుడు మామయ్య అని పిలుస్తున్నారు.
ఇవీ చదవండి : హిజాబ్ వస్త్రాన్ని తగలబెట్టి ముస్లిం యువతుల నిరసన
పంటి చికిత్స కోసం ఆస్పత్రికి.. పేపర్ చదువుతూ కుప్పకూలిన వ్యాపారి
