Man Kills Leopard: కేరళ ఇడుక్కిలో చిరుత పులి.. గోపాలన్ అనే గిరిజనుడిపై దాడి చేసింది. ఆత్మరక్షణ కోసం చిరుతను పదునైన కత్తితో దాడి చేసి హతమార్చాడు గోపాలన్. అయితే చిరుత కూడా గోపాలన్ను గాయపరిచింది. దీంతో కుటుంబీకులు అతడిని ఆస్పత్రికి తరలించారు. ఈ ఘటన శనివారం ఉదయం చింగనంకుడిలో జరిగింది. అటవీ అధికారులు ఘటనా స్థలానికి చేరుకుని చిరుత మృతదేహాన్ని తరలించారు.
అసలేం జరిగిందంటే.. శుక్రవారం రాత్రి చిరుత.. ఫిఫ్టీ మైల్స్ అనే ప్రాంతంలో సంచరించి రెండు మేకలను చంపేసింది. గత కొన్ని రోజులుగా మంకులం ప్రాంతంలోనూ చిరుత సంచరిస్తోంది. దీంతో అటవీ అధికారులు ఆ ప్రాంతంలో కెమెరాలు అమర్చారు. కెమెరాలో చిరుత పులి సంచరించిన దృశ్యాలు నమోదవ్వగా దానిని పట్టుకునేందుకు బోను సిద్ధం చేసినా ఎటువంటి ప్రయోజనం లేకపోయింది. ఈ క్రమంలోనే గోపాలన్పై దాడి చేసిందా క్రూరమృగం. ఆత్మరక్షణ కోసం చిరుతను చంపిన గోపాలన్పై చట్టపరమైన చర్యలు ఉండవని రాష్ట్ర అటవీ శాఖ మంత్రి ఏకే శశీంద్రన్ తెలిపారు. గోపాలన్పై కేసు నమోదు చేయవద్దని అధికారులను ఆదేశించినట్లు ఆయన వెల్లడించారు.
ఇవీ చదవండి: ఏడాదంతా పోలీస్ స్టేషన్లోనే వినాయకుడు.. దర్శనానికి 10రోజులే ఛాన్స్
కడియాల కోసం దారుణం.. వృద్ధురాలి కాలు నరికి పరార్.. స్కూల్లో దళితులపై కులవివక్ష
