Leopard attack student: ఉత్తర్ప్రదేశ్లో ఓ కళాశాలలోకి ప్రవేశించిన చిరుతపులి బీభత్సం సృష్టించింది. ఓ విద్యార్థిపై దాడి చేసింది. అలీగఢ్ జిల్లా ఛర్రా ప్రాంతంలోని ఓ ఇంటర్ కళాశాలలో బుధవారం ఈ ఘటన జరిగింది.
![leopard college](https://etvbharatimages.akamaized.net/etvbharat/prod-images/13792384_leopard.jpg)
Leopard college: చిరుత పులి కళాశాలలోకి రాగా.. విద్యార్థులంతా భయాందోళనకు గురయ్యారు. అందరూ కళాశాల బయటకు పరుగులు తీశారు. ఈ క్రమంలో ఓ విద్యార్థిపై చిరుత దాడి చేసింది. అదృష్టవశాత్తు అతడు గాయాలతో బయటపడ్డాడు. క్లాస్రూంలోని కుర్చీల మధ్య చిరుత తిరుగుతున్న దృశ్యాలు.. సీసీటీవీలో రికార్డయ్యాయి.
![Leopard attack on student](https://etvbharatimages.akamaized.net/etvbharat/prod-images/13792384_leopard34.jpg)
"తమ కళాశాలలోకి ఉదయం 10 గంటలకు చిరుత పులి ప్రవేశించిందని చౌదరీ నిహాల్ సింగ్ ఇంటర్ కాలేజీ ప్రిన్సిపల్ నాకు తెలియజేశారు. జిల్లా అటవీ అధికారులు, ఇతర అధికారులకు కూడా సమాచారం అందించారు. పులి దాడిలో ఓ విద్యార్థి గాయపడగా.. అతణ్ని ఆస్పత్రికి తరలించాం. అతినికి ప్రాణాపాయం లేదు" అని అలీగఢ్ జిల్లా ఇన్స్పెక్టర్ ఆఫ్ స్కూల్స్ ధర్మేంద్ర శర్మ తెలిపారు.
ఇదీ చూడండి: తల్లితో పులి పిల్లల విహారం.. వీడియో వైరల్
ఇదీ చూడండి: కుమారుడ్ని కరిచిందని కుక్కపై కర్కశత్వం- కత్తితో కోసి...