దేశంలో కరోనా విలయతాండవం కొనసాగుతోంది. రోజువారి కొత్త కేసులు రికార్డు స్థాయిలో పెరిగిపోతున్నాయి. ఆదివారం ఉదయం నుంచి సోమవారం ఉదయానికి ఏకంగా 1,68,912 మంది కొవిడ్ బారినపడ్డారు. వైరస్ ధాటికి మరో 904 మంది బలయ్యారు. కొవిడ్ సోకిన వారిలో మరో 75,086 మంది కోలుకున్నారు.
- మొత్తం కేసులు: 1,35,27,717
- మొత్తం మరణాలు: 1,70,179
- కోలుకున్న వారు: 1,21,56,529
- యాక్టివ్ కేసులు: 12,01,009
దేశవ్యాప్తంగా ఒక్కరోజే 11లక్షల 80 వేల 136 నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్) తెలిపింది. దేశంలో ఇప్పటివరకు మొత్తం 10కోట్ల 45 లక్షల 28వేల 565 డోసుల్ని పంపిణీ చేసినట్టు తెలిపింది.
ఇదీ చదవండి: 'సుప్రీం'పై కరోనా పంజా- మళ్లీ వర్చువల్గా విచారణ
