యునెస్కోలోని ప్రపంచ వారసత్వ కమిటీ(unesco india) సభ్యదేశంగా భారత్ ఎన్నికైంది. నాలుగేళ్ల పాటు ఈ కమిటీలో కొనసాగనుంది భారత్. ఆసియా పసిఫిక్ ప్రాంతం నుంచి భారత్ ఈ కమిటీలో చోటు దక్కించుకున్నట్లు విదేశీ వ్యవహారాల శాఖ సహాయమంత్రి మీనాక్షి లేఖి ట్విటర్ వేదికగా వెల్లడించారు.
"ఆసియా పసిఫిక్ ప్రాంతం నుంచి భారత్ ఈ కమిటీలో చోటు దక్కించుకుందని చెప్పేందుకు సంతోషంగా ఉంది. ఈ చారిత్రక విజయంలో సహకరించిన వారందరికీ కృతజ్ఞతలు."
-- మీనాక్షి లేఖి, విదేశీ వ్యవహారాల శాఖ సహాయమంత్రి
ప్రపంచ వారసత్వ కమిటీ ఏడాదికోసారి సమావేశమవుతుంది. ప్రపంచ వారసత్వ కన్వెన్షన్ను ఈ కమిటీ నిర్వహిస్తుంది. 2021-25 కాలానికి యునెస్కో కార్యనిర్వాహక బోర్డులో సభ్య దేశంగా భారత్ మరోసారి ఎన్నికైన సంగతి గమనార్హం.
ఇదీ చూడండి: ఆస్ట్రేలియన్ అకాడమీ ఆఫ్ సైన్స్ అధ్యక్షుడిగా చెన్నుపాటి జగదీశ్
