12వ తరగతి విద్యార్థి రాష్ట్ర ముఖ్యమంత్రి స్థానంలో కూర్చున్నాడు. మరొకరు స్పీకర్, ప్రతిపక్ష నాయకుల హోదాలో కూర్చున్నారు. వీరంతా అసెంబ్లీలో కూర్చుని శాసనసభ వ్యవహరాలు చక్కబెడుతుండగా.. వాదోపవాదాలు చేసే రాజకీయ నాయకులు ఓ పక్కన కూర్చుని చూస్తుండిపోయారు. ఇదంతా ఏదో సినిమాలో జరగలేదండి. గుజరాత్ అసెంబ్లీలో నిజంగానే జరిగింది. ఇలా ఎందుకు జరిగిందో తెలుసుకోవాలంటే ఈ కథనం చదవాల్సిందే!
గుజరాత్ శాసనసభలో అరుదైన దృశ్యం జరిగింది. గుజరాత్ అసెంబ్లీలో తొలిసారిగా 'యూత్ మోడల్ అసెంబ్లీ' కార్యక్రమాన్ని నిర్వహించారు. అసెంబ్లీ వ్యవహరాలన్నింటినీ యువతే నిర్వహించింది. ముఖ్యమంత్రి భూపేంద్ర పటేల్, స్పీకర్ నీమా ఆచార్య.. ఈ కార్యక్రమాన్ని ప్రారంభించి.. యువతను ప్రోత్సహించారు. రాష్ట్రంలోని వివిధ జిల్లాలకు చెందిన విద్యార్థులు ఈ మాక్ అసెంబ్లీలో పాల్గొన్నారు. 'గణేశ్ వాసుదేవ్ మౌళాంకర్ పార్లమెంటరీ స్టడీస్ అండ్ ట్రైనింగ్ బ్యూరో' ఈ కార్యక్రమాన్ని చేపట్టింది.
శాసనమండలి ఔన్నత్యాన్ని దృష్టిలో పెట్టుకుని ఛైర్మన్ స్థానాన్ని ఖాళీగా ఉంచారు. ఈ మాక్ అసెంబ్లీలో రోహన్ రావల్ ముఖ్యమంత్రి పాత్రలో కనిపించాడు. ఇతడు రావల్ పట్టణంలోని జైడస్ పాఠాశాలలో 12వ తరగతి చదువుతున్నాడు. గౌతమ్ దవే ప్రతిపక్ష నాయకుడిగా, మిశ్రి షా అసెంబ్లీ స్పీకర్గా వ్యవహరించారు. ఈ కార్యక్రమంలో మాట్లాడిన ముఖ్యమంత్రి భూపేంద్ర పటేల్.. దేశ భవిష్యత్తు యువత చేతుల్లో సురక్షితంగా ఉందన్నారు.
ఇవీ చదవండి: CCTV Video: పెట్రోల్ బంక్లోకి దూసుకొచ్చిన బస్సు
మమత ట్విస్ట్.. ఉపరాష్ట్రపతి ఎన్నికలకు టీఎంసీ దూరం.. అదే కారణం!
