కేంద్రపాలిత ప్రాంతం దాద్రానగర్ హవేలీలో దారుణం జరిగింది. ఓ ప్రభుత్వ ఆసుపత్రిలో చికిత్స పొందుతోన్న తల్లి వెంట ఉన్న 11 ఏళ్ల బాలికపై అత్యాచారానికి పాల్పడ్డాడు అక్కడి సెక్యూరిటీ గార్డు.
దమణ్ జిల్లాలోని మార్వాడ్ ప్రభుత్వ ఆసుపత్రిలో జనవరి 11న ఈ అమానుష ఘటన జరిగింది. అక్కడ చికిత్స పొందుతోన్న తన తల్లితో కలిసి బాలిక ఉందని అధికారులు చెప్పారు. చిన్నారికి తాగునీరు ఇచ్చే నెపంతో ఆసుపత్రిలోని ఓ గదిలోకి తీసుకెళ్లి అత్యాచారానికి పాల్పడినట్లు తెలిపారు.
ఈ ఘటన బయటపడిన అనంతరం ఆసుపత్రి నుంచి సెక్యూరిటీ గార్డ్ పారిపోయాడు. సమాచారం అందుకున్న పోలీసులు కేసు నమోదు చేసి.. నిందితుడి కోసం విస్తృతంగా గాలించారు. శనివారం అరెస్టు చేసినట్లు తెలిపారు.
మూడేళ్ల చిన్నారిని అపహరించి.. ఆపై
రాజస్థాన్లోని బూందీ జిల్లాలో మరో దారుణం వెలుగులోకి వచ్చింది. ఇంట్లో ఆడుకుంటోన్న మూడేళ్ల చిన్నారిని అపహరించి, అత్యాచారానికి యత్నించబోయాడు హన్స్రాజ్ అనే వ్యక్తి. శుక్రవారం రాత్రి ఈ ఘటన జరిగింది. చిన్నారి కనిపించకపోవడం వల్ల ఇంటి సమీపంతో పాటు చుట్టుపక్కల వెతికారు కుటుంబ సభ్యులు. చివరకు గ్రామంలోని ఓ గుడిలో పాపతో ఉన్న నిందితుడిని పట్టుకున్నారు. పోలీసులకు అప్పగించారు.
అత్యాచారయత్నానికి ప్రయత్నించినట్లు కేసు నమోదు చేసిన పోలీసులు.. నిందితుడిని అరెస్టు చేశారు.
ఇదీ చూడండి: సినిమా ఛాన్స్ పేరుతో బాలికపై ఫిల్మ్ మేకర్ లైంగిక దాడి!
