సింఘు సరిహద్దులో రైతు మృతదేహం లభ్యం- ఏం జరిగింది?

సింఘు సరిహద్దులో ఓ రైతు మృతదేహం లభ్యమవటం కలకలం సృష్టించింది. ఉరికి వేలాడుతున్న రైతు మృతదేహాన్ని (farmer suicide singhu border) గుర్తించినట్లు పోలీసులు తెలిపారు. ఇంతకి ఏం జరిగింది?

అన్నదాతలు ఆందోళన చేస్తున్న సింఘు సరిహద్దులో ఓ రైతు మృతదేహం (farmer suicide singhu border) కలకలం సృష్టించింది. ఉరి వేసుకుని వేలాడుతున్న రైతు మృతదేహం కనిపించింది. ఆ రైతును ఫతేహగఢ్​​ సాహిబ్​ జిల్లాకు చెందిన గుర్​ప్రీత్ సింగ్​గా పోలీసులు గుర్తించారు.

గుర్​ప్రీత్​ ఆత్మహత్య చేసుకున్నాడని అక్కడ ఉన్న రైతులు చెబుతున్నారు. కానీ, నిజానిజాలు తెలియాల్సి ఉందని పోలీసులు తెలిపారు. రైతు మృతదేహాన్ని ఆసుపత్రికి తరలించారు. శవపరీక్ష అనంతరం అసలు విషయాలు వెల్లడిస్తామని చెప్పారు.

ఇదీ చదవండి: 'పార్లమెంట్‌కు రైతులు.. ఎక్కడ ఆపితే అక్కడే నిరసన'