ఏప్రిల్ 6న జరగనున్న అసెంబ్లీ ఎన్నికలకు 173మందితో కూడిన అభ్యర్థుల జాబితాను ప్రకటించింది డీఎంకే. పార్టీ అధినేత స్టాలిన్, కోలాతూర్ నియోజకవర్గం నుంచి తన అదృష్టాన్ని పరీక్షించుకోనున్నారు. ఆయన కుమారుడు ఉదయనిధి,చేపాక్- ట్రిప్లికేన్ నియోజకవర్గం నుంచి బరిలో దిగనున్నారు.
పార్టీలో పేరుపొందిన దురై మురుగన్, కె.ఎన్.నెహ్రూ, కె.పోన్ముడి, ఎమ్ఆర్కే పన్నీర్సెల్వంతో పాటు దాదాపు సిట్టింగ్ ఎమ్మెల్యేలకే స్టాలిన్ ప్రధాన్యతనిచ్చారు. మార్చి 15న నామినేషన్ దాఖలు చేయనున్నట్లు వెల్లడించారు.
కాంగ్రెస్, వామపక్షాలు, ఎమ్డీఎమ్కే, వీసీకే వంటి పార్టీలతో కలిసి పోటీలోకి దిగనున్న డీఎంకే.. మిత్రపక్షాలకు 61 సీట్లను కేటాయించింది. తమిళనాడు అసెంబ్లీలో మొత్తం 234 సీట్లు ఉన్నాయి.
ఇండియన్ యూనియన్ ముస్లిం లీగ్, మణితనేయ మక్కల్ కచ్చీలకు మూడు, రెండు సీట్ల చొప్పున కేటాయించింది డీఎంకే. కూటమిలో భాగమైన వీసీకేకు ఆరు స్థానాలు ఇచ్చింది. డీఎంకే గత ఎన్నికల్లో పోటీ చేసిన సీట్ల కంటే.. ఈ సారి 7స్థానాలు తగ్గించుకొని బరిలో దిగుతోంది.
ఇదీ చదవండి: మహిళా ఓటర్లకు బంగారం తాయిలాలు!
