ప్రపంచంలోనే ఎక్కువ వజ్రాలు పొదిగిన రింగ్ను తయారు చేసింది ఉత్తర్ప్రదేశ్లోని మేరఠ్కు చెందిన ఓ జ్యువెలరీ సంస్థ. ఈ ప్రత్యేక ఉంగరం చూపరులను ఆకట్టుకుంటోంది. ఈ డైమండ్ తయారీకి ఎన్ని రోజుల పట్టిందో? ప్రత్యేకతలు ఏంటో ఓ సారి తెలుసుకుందాం.
మేరఠ్లోని డాజ్లింగ్ జ్యువెలరీ అనే ఆభరణాల తయారీ సంస్థ 26,200 వజ్రాలను ఉపయోగించి ఈ రింగ్ను డిజైన్ చేసింది. ఈ ఉంగరానికి దేవ్ ముద్రిక అని పేరు పెట్టారు సంస్థ యజమాని విపుల్ అగర్వాల్. అంతకుముందు దక్షిణాదికి చెందిన ఓ సంస్థ 24 వేలు వజ్రాలు పొదిగిన ఉంగరాన్ని తయారు చేసిందని విపుల్ తెలిపారు. ఆ కంపెనీ పేరిట ఉన్న రికార్డును బద్దలుకొడతామని ఆయన చెప్పారు. మొదట ఉంగరం డిజైన్ను సాఫ్ట్వేర్ ద్వారా రూపొందించి.. అనంతరం కళాకారులతో రింగ్ను తయారు చేయించినట్లు విపుల్ వివరించారు.
"డైమండ్ రింగ్ను ఫ్లవర్ ఆకారంలో తయారు చేశాం. ఈ ఉంగరాన్ని రెండు వేళ్లకు పెట్టుకోవచ్చు. దీని తయారీ కోసం 26,200 డైమండ్లను ఉపయోగించాం. ఇందుకోసం 8 నుంచి 10 మంది కళాకారులు మూడు నెలలపాటు కష్టపడ్డారు. ప్రపంచంలో ఎక్కడా ఒక ఉంగరం తయారీకి ఇన్ని ఉంగరాలు వాడలేదు. అందుకే గిన్నిస్ బుక్ ఆఫ్ వరల్డ్స్ రికార్డ్స్లో చోటు కోసం దరఖాస్తు చేశాం. ప్రస్తుతానికి ఉంగరం ధరను గోప్యంగా ఉంచుతున్నాం. గిన్నిస్ బుక్లో చోటు సంపాదించగానే ధర నిర్ణయిస్తాం."
-- విపుల్ అగర్వాల్, డాజ్లింగ్ జ్యువెలరీ యజమాని
