CRPF Constable Jobs 2024 : సెంట్రల్ రిజర్వ్ పోలీస్ ఫోర్స్ (CRPF) స్పోర్ట్ కోటాలో 169 కానిస్టేబుల్ (జనరల్ డ్యూటీ) పోస్టుల భర్తీ కోసం నోటిఫికేషన్ విడుదల చేసింది. ఈ గ్రూప్-సీ కేడర్ పోస్టులకు పురుష అభ్యర్థులతోపాటు, మహిళా క్రీడాకారులు కూడా అప్లై చేసుకోవచ్చు.
క్రీడా విభాగాలు
CRPF Constable Sports Quota Jobs : జిమ్నాస్టిక్స్, జూడో, వుషు, షూటింగ్, బాక్సింగ్, అథ్లెటిక్స్, ఆర్చరీ, రెజ్లింగ్ ఫ్రీ స్టైల్, గ్రీకో-రోమన్ రెజ్లింగ్, తైక్వాండో, వాటర్ స్పోర్ట్స్ కయాక్, రోయింగ్, బాడీ బిల్డింగ్, వెయిట్ లిఫ్టింగ్, స్విమ్మింగ్, డైవింగ్, ట్రయాథ్లాన్, కరాటే, యోగా, ఎక్వెస్ట్రియన్ (గుర్రపు స్వారీ), యాటింగ్, ఐస్ హాకీ, ఐస్ స్కేటింగ్, ఐస్ స్కీయింగ్
విద్యార్హతలు
CRPF Constable Eligibility : అభ్యర్థులు ప్రభుత్వ గుర్తింపు పొందిన బోర్డ్ నుంచి 10వ తరగతిలో ఉత్తీర్ణత సాధించి ఉండాలి.
వయోపరిమితి
CRPF Constable Age Limit : అభ్యర్థుల వయస్సు 2024 ఫిబ్రవరి 15 నాటికి 18 ఏళ్ల నుంచి 23 ఏళ్ల మధ్యలో ఉండాలి. అయితే ప్రభుత్వ నిబంధనల ప్రకారం, ఆయా కేటగిరీల అభ్యర్థులకు వయోపరిమితి సడలింపులు వర్తిస్తాయి.
అప్లికేషన్ ఫీజు
CRPF Constable Fee :
- జనరల్, ఓబీసీ, ఈడబ్ల్యూఎస్ కేటగిరీ అభ్యర్థులు దరఖాస్తు రుసుముగా రూ.100 చెల్లించాలి.
- ఎస్టీ, ఎస్టీ కేటగిరీలవారు, మహిళలు ఎలాంటి దరఖాస్తు రుసుము చెల్లించాల్సిన అవసరం లేదు.
ఎంపిక విధానం
CRPF Constable Selection Process : అభ్యర్థులకు ముందుగా కంప్యూటర్ బేస్డ్ టెస్ట్ నిర్వహిస్తారు. ఇందులో ఉత్తీర్ణులైన అభ్యర్థులకు ఫిజికల్ ఎఫీషియన్సీ టెస్ట్, ఫిజికల్ స్టాండర్డ్ టెస్ట్ చేస్తారు. వీటిలో క్వాలిఫై అయితే, డాక్యుమెంట్ వెరిఫికేషన్ చేస్తారు. తరువాత మెడికల్ ఎగ్జామినేషన్ నిర్వహించి, అర్హులైన అభ్యర్థులను కానిస్టేబుల్ పోస్టులకు ఎంపిక చేస్తారు.
జీతభత్యాలు
CRPF Constable Salary : సీఆర్పీఎఫ్ కానిస్టేబుల్ పోస్టులకు ఎంపికైన అభ్యర్థులకు నెలకు రూ.21,700 నుంచి రూ.69,100 వరకు జీతం ఉంటుంది. ఇవే కాకుండా వివిధ అలవెన్సులు కూడా లభిస్తాయి.
దరఖాస్తు విధానం
CRPF Constable Application Process :
- అభ్యర్థులు ముందుగా సీఆర్పీఎఫ్ అధికారిక వెబ్సైట్ https://rect.crpf.gov.in/ ఓపెన్ చేయాలి.
- New Loginపై క్లిక్ చేసి, మీ వివరాలు నమోదు చేయాలి.
- తరువాత దరఖాస్తు ఫారమ్లో మీ వ్యక్తిగత, విద్యార్హతల వివరాలు నమోదు చేయాలి.
- మీ స్పోర్ట్స్ కేటగిరీ, మీ స్పోర్ట్స్ సర్టిఫికెట్స్కు చెందిన వివరాలు కూడా నమోదు చేయాలి.
- అవసరమైన డాక్యుమెంట్స్ అన్నీ అప్లోడ్ చేయాలి.
- దరఖాస్తు రుసుము కూడా ఆన్లైన్లోనే చెల్లించాలి.
- చివరిగా అన్ని వివరాలు సరిచూసుకొని, దరఖాస్తును సబ్మిట్ చేయాలి.
- భవిష్యత్ రిఫరెన్స్ కోసం అప్లికేషన్ ప్రింట్అవుట్ను భద్రపరుచుకోవాలి.
ముఖ్యమైన తేదీలు
CRPF Constable Apply Last Date :
- దరఖాస్తు స్వీకరణ ప్రారంభ తేదీ : 2024 జనవరి 16
- దరఖాస్తుకు ఆఖరు తేదీ : 2024 ఫిబ్రవరి 15
ఇంజినీరింగ్ అర్హతతో NLCలో 632 అప్రెంటీస్ పోస్టులు - అప్లై చేసుకోండిలా!
ECILలో 1100 జూనియర్ టెక్నీషియన్ పోస్టులు - అప్లైకు మరో 4 రోజులే ఛాన్స్!
