CRPF ASI Died Pulwama Attack: జమ్ముకశ్మీర్.. పుల్వామా జిల్లాలో మరోసారి ఉగ్రవాదులు రెచ్చిపోయారు. పెట్రోలింగ్ నిర్వహిస్తున్న సీఆర్పీఎఫ్ సిబ్బందిపై కాల్పులకు తెగబడ్డారు. ఆదివారం జరిగిన ఈ ఘటనలో సీఆర్పీఎఫ్ ఏఎస్ఐ జవాన్ వినోద్కుమార్ తీవ్రంగా గాయపడ్డారు. వెంటనే అధికారులు ఆసుపత్రికి తరలించగా.. చికిత్స పొందుతూ ఆయన మరణించారు.
"పుల్వామా.. గంగూ క్రాసింగ్ సమీపంలో ఉన్న యాపిల్ తోట నుంచి ఉగ్రవాదులు.. సీఆర్పీఎఫ్ జవాన్లపై కాల్పులు జరిపారు. ఈ ఉగ్రదాడిలో ఏఎస్ఐ వినోద్కుమార్ చనిపోయారు. ప్రస్తుతం ఆ ప్రాంతంలో సెర్చ్ ఆపరేషన్ జరుగుతోంది" అని కశ్మీర్ జోన్ పోలీసులు ట్వీట్ చేశారు. ఈ ఘటనలో ఓ పౌరుడికి గాయాలయ్యాయని అధికారులు తెలిపారు.
అంతకుముందు జులై 12న శ్రీనగర్‌ లాల్‌బజార్‌ చెక్‌పోస్ట్పై ఉగ్రవాదులు దాడి చేయగా.. జమ్ముకశ్మీర్ పోలీస్ విభాగానికి చెందిన ఏఎస్ఐ ముష్తాక్‌ అహ్మద్ చనిపోయారు. జులై 11న పుల్వామా జిల్లాలో భద్రతా దళాలు జరిపిన ఎన్‌కౌంటర్‌లో ఇద్దరు ఉగ్రవాదులు మృతి చెందారు.
ఇవీ చదవండి: చెస్ ఒలింపియాడ్ స్పెషల్.. ఈ 'చదరంగం' వంతెనను చూశారా?
నదిలో 53కేజీల వెండి శివలింగం.. గ్రామస్థుల పూజలు.. పోలీస్ స్టేషన్లో దర్శనాలు!
