కాంగ్రెస్ అగ్రనేత రాహుల్ గాంధీ.. కేంద్ర ప్రభుత్వంపై మరోసారి విమర్శల దాడి చేశారు. రైతుల్లో అసంతృప్తి, ద్రవ్యోల్బణం, సరిహద్దు సమస్యలు సహా అన్నింటా భాజపా ప్రభుత్వం విఫలమైందని ఆరోపించారు. ఈ వైఫల్యాన్ని కేంద్రం ఇక ముందు కూడా కొనసాగిస్తుందని చెప్పారు. ఈ మేరకు ఆయన ట్వీట్ చేశారు.
"రైతులు బాధపడుతున్నారు. ద్రవ్యోల్బణం ఆకాశాన్ని తాకింది. సరిహద్దుల్లో ఘర్షణలు జరుగుతున్నాయి. అయినా భారత్ గొప్పదే. కానీ, కేంద్ర ప్రభుత్వమే ఓడిపోయింది. ఈ ఓటమి ఇక ముందు కూడా కొనసాగుతుంది.
-రాహుల్ గాంధీ, కాంగ్రెస్ అగ్రనేత
రాహుల్ తన ట్వీట్కు #BJPFailsIndia హ్యాష్ట్యాగ్ను జతచేశారు.
ద్రవ్యోల్బణం, రైతులు, సరిహద్దు ఉద్రిక్తతలపై ప్రధాని నరేంద్ర మోదీ దృష్టిసారించాలని కోరుతూ #ModiHoshMeinAao హ్యాష్ట్యాగ్తో కాంగ్రెస్.. ఓ వీడియోను ట్విట్టర్ వేదికగా పోస్ట్ చేసింది. 'మోదీ వాస్తవాలను సరి చూసుకోవాల్సిన అవసరం ఉంద'ని పేర్కొంటూ తన అధికారిక ట్విట్టర్ ఖాతాలో ఈ వీడియోను షేర్ చేసింది.
ఇదీ చూడండి: యూపీలో కాంగ్రెస్ యాత్ర- మహిళా రైతులతో ప్రియాంక ముచ్చట!
ఇదీ చదవండి: కాంగ్రెస్ వరాలు.. వారికి స్మార్ట్ఫోన్లు, ఈ-స్కూటీలు!
