గ్వాలియర్ రాజమాతగా పేరొందిన భాజపా నేత విజయరాజే సింధియా జ్ఞాపకార్థం ప్రత్యేక నాణెం విడుదల చేశారు ప్రధానమంత్రి నరేంద్ర మోదీ. రాజమాత జయంతి సందర్భంగా ఆమె పేరు, ముఖచిత్రంతో ముద్రించిన రూ.100 నాణాన్ని వర్చువల్ కార్యక్రమం ద్వారా ఆవిష్కరించారు.
రాజమాత సింధియా తన జీవితాన్ని పేదలకే అంకితమిచ్చారని మోదీ ఈ సందర్భంగా కీర్తించారు. ప్రజలకు ప్రాతినిథ్యం వహించడాన్ని అధికారంలా కాకుండా.. సేవగా భావించారని పేర్కొన్నారు. ముమ్మారు తలాక్ చట్టం తీసుకురావడం ద్వారా మహిళా సాధికారత విషయంలో రాజమాత ఆశయాలను దేశం మరింత ముందుకు తీసుకెళ్లిందని అన్నారు.
