పలు రాష్ట్రాల అవతరణ దినోత్సవం సందర్భంగా హర్షం వ్యక్తం చేశారు ప్రధాన మంత్రి నరేంద్ర మోదీ. ఈ మేరకు.. కేరళ, ఆంధ్రప్రదేశ్, మధ్యప్రదేశ్, కర్ణాటక, ఛత్తీస్గఢ్, హరియాణా రాష్ట్రాలకు ట్విట్టర్ వేదికగా శుభాకాంక్షలు తెలిపారు. ఆయా రాష్ట్రాలు సాధించిన ఘనతను గుర్తుచేశారు.
ఆంధ్రప్రదేశ్ ప్రజలు చాలా పనుల్లో ఆరితేరి ఉన్నారని మోదీ అభినందించారు. 'కష్టేఫలి' అనే మాటకు వారు నిదర్శనం అని పేర్కొన్నారు.
కర్ణాటక సోదర సోదరీమణులకు నా హృదయ పూర్వక 'రాజ్యోత్సవ' శుభాకాంక్షలు అని మోదీ ట్వీట్ చేశారు. ప్రజల నైపుణ్యంతో రాష్ట్రం ఎంతో ఎత్తుకు ఎదుగుతోందని పేర్కొన్నారు.
ఛత్తీస్గఢ్ భిన్నమైన సంస్కృతికి నిదర్శనమని కొనియాడిన మోదీ.. ప్రజలకు రాష్ట్ర అవతరణ దినోత్సవ శుభాకాంక్షలు తెలిపారు. ఆత్మనిర్భర్ భారత్లో మధ్యప్రదేశ్ పాత్ర కీలకమని ప్రధాని గుర్తుచేశారు. వివిధ రంగాల్లో ఆ రాష్ట్రం ఎంతో అభివృద్ధి చెందుతోందని ట్వీట్ చేశారు.
భారత దేశ చరిత్రలో ప్రత్యేక స్థానం ఉన్న హరియాణా ప్రజలకు శుభాకాంక్షలు తెలిపారు మోదీ.
దేశ అభివృద్ధికి ఎంతగానో పాటుపడుతోన్న కేరళ ప్రజలకు 'కేరళ పిరవి దినోత్సవ' శుభాకాంక్షలు తెలిపారు మోదీ. ప్రకృతి అందాలకు కేరళ నిలయంగా ఉందని గుర్తుచేశారు.
ఇదీ చదవండి:ఇమార్తీ దేవీకి ఈసీ షాక్- ప్రచారంపై నిషేధం
