వైద్య కోర్సుల్లో ప్రవేశం కోసం జాతీయ అర్హత పరీక్ష (నీట్)ను దేశవ్యాప్తంగా సెప్టెంబరు 13న నిర్వహించనున్నారు. పరీక్ష సమయం దగ్గరపడుతున్న నేపథ్యంలో బుధవారం మధ్యాహ్నం 12 గంటలకు అడ్మిట్ కార్డులు విడుదల చేసింది జాతీయ టెస్టింగ్ ఏజెన్సీ. వెబ్సైట్లో అడ్మిట్కార్డులు అందుబాటులోకి వచ్చిన కేవలం 3 గంటల్లోనే 4 లక్షలకుపైగా డౌన్లోడ్ అయ్యాయి.
సెప్టెంబర్ 13న నీట్, సెప్టెంబర్ 1-6 మధ్య ఇంజినీరింగ్ ప్రవేశ పరీక్ష జేఈఈ నిర్వహించనున్నారు. జేఈఈ మేయిన్స్కు 9.53 లక్షల మంది, నీట్కు 15.97 లక్షల మంది నమోదు చేసుకున్నారు.
కరోనా నేపథ్యంలో నీట్ వాయిదా వేయాలని పెద్ద సంఖ్యలో విద్యార్థులు డిమాండ్ చేస్తున్నారు. అయినప్పటికీ.. షెడ్యూల్ ప్రకారమే పరీక్ష జరుగుతుందని కేంద్ర విద్యాశాఖ అధికారులు మంగళవారం స్పష్టం చేశారు.
ఇదీ చూడండి: నీట్ పరీక్ష: వారి బాధ్యత కేంద్రానిదే
