'ఉత్తర భారతంలో ఈ ఏడాది వర్షాల జోరు.. కానీ'

ఉత్తర భారతదేశంలో ఈ ఏడాది సాధారణం కంటే ఎక్కువ వర్షపాతం కురుస్తుందని భారత వాతావరణ శాఖ తెలిపింది. తూర్పు, ఈశాన్య భారత్​లో తక్కువగా నమోదవుతుందని పేర్కొంది.

ఈ ఏడాది ఉత్తర భారతదేశంలో సాధారణం కంటే ఎక్కువ వర్షపాతం నమోదవుతుందని భారత వాతావరణ శాఖ ప్రకటించింది. అలాగే మధ్య భారత్​, దక్షిణ ద్వీపకల్పంలో సాధారణ వర్షపాతం కురుస్తుందని వెల్లడించింది.

తూర్పు, ఈశాన్య భారత్​తో పాటు దేశంలోని ఇతర ప్రాంతాల్లో సాధారణం కంటే తక్కువ వర్షపాతం నమోదవుతుందని తెలిపింది. ఇప్పటికే నైరుతి రుతుపవనాలు కేరళలోకి ప్రవేశించినట్లు తెలిపిన ఐఎండీ.. జూన్​-సెప్టెంబర్ మధ్య కాలంలో దేశంలో నమోదయ్యే మొత్తం వర్షపాతంలో 75 శాతం నైరుతి రుతుపవనాల వల్లే నమోదవుతుందని పేర్కొంది.

ఇదీ చూడండి:'వ్యాక్సిన్​ వచ్చే వరకు పాఠశాలలు తెరవద్దు'