దేశ రాజధాని దిల్లీలో నలుగురు కశ్మీర్ యువకులను స్పెషల్ సెల్ బృందం అదుపులోకి తీసుకుంది. దిల్లీలో ఉగ్రదాడికి వీరు కుట్ర పన్నినట్టు అధికారులు వెల్లడించారు. వీరి నుంచి భారీగా మందుగుండు సామాగ్రితో పాటు నాలుగు తుపాకులను స్వాధీనం చేసుకునట్టు తెలిపారు. పక్కా సమాచారంతో నిందితుల వాహనాన్ని చుట్టుముట్టి అదుపులోకి తీసుకున్నట్లు స్పెషల్ సెల్ డీసీపీ ప్రమోద్ కుష్వా స్పష్టం చేశారు.
వీరంతా అన్సర్ ఘజ్వత్-ఉల్-హింద్ అనే ఉగ్రవాద సంస్థకు చెందిన వారని పోలీసులు తెలిపారు. అన్సర్ ఘజ్వత్-ఉల్-హింద్ అధినేత బుర్హన్ కోక ఏప్రిల్ 29న సైన్యం చేతిలో ఎన్కౌంటర్ కాగా అందుకు ప్రతీకారంగా అతని తమ్ముడు ఇష్ఫాక్ మజీద్ దిల్లీలో విధ్వంసానికి ప్రణాళిక రచించినట్టు వెల్లడించారు. ఈ మేరకు మారణాయుధాలు కోనుగోలు చేయడానికి సంబంధించిన సొమ్ము అతని బ్యాంక్ ఖాతాలో ఉన్నట్లు పోలీసులు ప్రాథమిక దర్యాప్తులో తేలింది.
ఇదీ చూడండి:- సైన్యం కళ్లుగప్పేందుకు ఉగ్రవాదుల నయా ట్రెండ్
