మూగజీవులపై పెరుగుతోన్న దాడులు అందరి హృదయాలను ద్రవింపజేస్తున్నాయి. కేరళలో సంచలనం సృష్టించిన ఏనుగు హత్యా ఘటన మరవక ముందే.. త్రిస్సూర్ జిల్లా ఒల్లూర్లో మరో దారుణగాథ వెలుగులోకి వచ్చింది. మూగజీవులపై కొందరు క్రూరంగా ప్రవర్తిస్తోన్న తీరు కంటతడి పెట్టిస్తోంది. ఈ సారి ఓ శునకం పట్ల నిర్దయగా ప్రవర్తించారు కొందరు వ్యక్తులు.
ముఖానికి ఇన్సులేషన్ టేప్ చుట్టి.. మూసి ఉన్న ఓ దుకాణానికి కట్టేసిన ఓ శునకాన్ని గుర్తించారు 'పీపుల్‌ ఫర్ యానిమల్ వెల్ఫేర్' సభ్యులు. కొద్దిరోజులుగా నీరు, ఆహారంలేని ఆ కుక్కు.. బాగా నీరసించిపోయింది. దాని మూతికి ఉన్న టేప్ను బట్టి.. సుమారు రెండు వారాల క్రితమే ఈ ఘటన జరిగి ఉంటుందని భావించారు. జంతు సంరక్షణ సంస్థ సభ్యులు గుర్తించే సమయానికి శునకం ఉన్న తీరును చూస్తే ఎవరికైనా జాలేస్తుంది.
ఈ విషయాన్ని గమనించిన వాలంటీర్లు.. వెంటనే ఆ టేప్ను కత్తిరించారు. అనంతరం దాన్ని యానిమల్ షెల్టర్ హోమ్కు తరలించి, చికిత్స అందించారు.
ఇదీ చదవండి: కేరళలో మరో ఏనుగు మృతి.. కారణం అదేనా?
