Bengaluru Covid Cases: బెంగళూరులో ఒకే అపార్ట్మెంట్కు చెందిన 27 మందికి కరోనా పాజిటివ్గా తేలింది. అయితే.. వీరందరు వైరస్ బారిన పడటానికి కారణం ఓ బ్యాడ్మింటన్ ఈవెంట్ అని తెలుస్తోంది.
బెంగళూరులోని ఓకలిపురంలో అపార్ట్మెంట్ వాసులు డిసెంబర్ 18న శోభా ఇంద్రప్రస్థ అపార్ట్మెంట్ కాంప్లెక్స్‌లో జరిగిన బ్యాడ్మింటన్ ఈవెంట్‌లో పాల్గొన్నారు. బ్యాడ్మింటన్ టోర్నమెంట్ జరిగిన తర్వాత కొందరు విదేశాలకు వెళ్లడానికి కొవిడ్ పరీక్షలు చేయించుకున్నారు. ఈ క్రమంలో వారికి కరోనా పాజిటివ్ అని తేలింది. దీంతో టోర్నమెంట్‌లో పాల్గొన్న వారందరికీ పరీక్షలు నిర్వహించారు ఆరోగ్య కార్యకర్తలు. ఇందులో మొత్తం 27 మందికి కరోనా పాజిటివ్ అని బయటపడింది.
అపార్ట్మెంట్ కాంప్లెక్స్లోని రెండు టవర్లలో కేసులు వెలుగుచూసినట్లు ఆరోగ్య అధికారి బాలసుందర్ తెలిపారు. దీంతో అక్కడ జిమ్లు, స్విమ్మింగ్ పూల్స్తో సహా పబ్లిక్ ప్రదేశాలను మూసివేసినట్లు పేర్కొన్నారు.
Omicron Cases In Bengaluru: బెంగళూరులో గత కొద్ది రోజుల నుంచి కరోనా కేసులు స్థిరంగా పెరుగుతున్నాయి. ఒమిక్రాన్ కేసుల సంఖ్య కూడా పెరుగుతోంది. ఈ నేపథ్యంలో రాష్ట్ర ప్రభుత్వం రాత్రి కర్ఫ్యూ విధించింది.
ఇదీ చదవండి: విస్తరిస్తున్న ఒమిక్రాన్.. ఆంక్షల్లోకి మరిన్ని రాష్ట్రాలు!
