UP election 2022: ఉత్తర్ప్రదేశ్ కేబినెట్ మంత్రి సిద్ధార్థ్ నాథ్ సింగ్పై ఓ దుండుగుడు దాడికి యత్నించాడు. ఆయన భద్రతా సిబ్బంది అప్రమత్తతతో తృటిలో ప్రమాదం తప్పింది.
అసెంబ్లీ ఎన్నికల్లో పోటీ చేస్తున్న మంత్రి.. ప్రయాగ్రాజ్ జిల్లాలోని ముంద్రా ప్రాంతంలో నామినేషన్ పత్రాలు దాఖలు చేసేందుకు గురువారం వెళ్లారు. ఈ క్రమంలో అకస్మాత్తుగా పదునైన ఆయుధంతో మంత్రిపై దాడికి యత్నించాడు దుండగుడు. అక్కడే ఉన్న సెక్యూరిటీ సిబ్బంది అప్రమత్తమై అతడిని తోసివేశారు. అక్కడి నుంచి పారిపోయేందుకు యత్నించగా.. భద్రతా సిబ్బంది, భాజపా కార్యకర్తలు అతడిని పట్టుకున్నారు.
దుండగుడి నుంచి పదునైన ఆయుధం, ఓ విషం బాటిల్ను స్వాధీనం చేసుకున్నారు భద్రతా సిబ్బంది.
ఇదీ చూడండి: UP Election 2022: హత్యలు, అత్యాచార కేసుల నిందితులే అభ్యర్థులు!
