Ak 203 rifle news: రక్షణ విభాగంలో స్వయం సమృద్ధివైపు మరో అడుగు వేసింది భారత్. 5లక్షలకుపైగా ఏకే-203 రైఫిల్స్ తయారీ కోసం రూపొందించిన ప్రణాళికకు కేంద్రం ఆమోదం తెలిపింది. ఈ రైఫిల్స్ను ఉత్తర్ప్రదేశ్ అమేఠీలోని కోర్వాలో తయారు చేయనున్నారు.
భారత డిఫెన్స్ సామాగ్రి తయారీ హబ్గా ఉత్తర్ప్రదేశ్ అవతరించనుందని కేంద్ర వర్గాలు అభిప్రాయపడ్డాయి. కొనుగోళ్ల నుంచి 'మేక్ ఇన్ ఇండియా' స్థాయికి భారత్ చేరుతోందని పేర్కొన్నాయి. రష్యా భాగస్వామ్యంతో ఈ రైఫిల్స్ను తయారు చేయనున్నట్టు, ఫలితంగా ఇరు దేశాల బంధం మరింత బలపడనుందని వెల్లడించాయి. ఎమ్ఎస్ఎమ్ఈలకు ఈ ప్రాజెక్టుతో వ్యాపార, ఉద్యోగ అవకాశాలు లభిస్తాయని తెలిపాయి.
మూడు దశాబ్దాలుగా వినియోగిస్తున్న ఐఎన్ఎస్ఏఎస్ రైఫిల్స్ స్థానంలో ఈ 7.62X 39ఎమ్ఎమ్ కాలిబర్ ఏకే-203 తుపాకులు అందుబాటులోకి రానున్నాయి. వీటితో సైనికులకు అదనపు శక్తి లభిస్తుందని అధికారులు అభిప్రాయపడ్డారు.
ఇదీ చూడండి:- INS vela submarine: నావికాదళ అమ్ములపొదిలో ఐఎన్ఎస్ 'వేలా'యుధం!
