రాజస్థాన్లోని జాలోర్ జిల్లా కరడా గ్రామ సమీపంలో ఘోర రోడ్డు ప్రమాదం జరిగింది. ఈ ఘటనలో ఐదుగురు విద్యార్థులు ప్రాణాలు కోల్పోయారు. వేగంగా వస్తున్న కారు రోడ్డుపై నడుచుకుంటూ వెళ్తున్న విద్యార్థులను ఢీ కొట్టడం వల్ల ఈ ఘటన జరిగినట్లు సమాచారం. మృతులలో ముగ్గురు బాలికలు, ఇద్దరు బాలురు ఉన్నారు. మరొకరు తీవ్రంగా గాయపడ్డారు.
ఇదీ జరిగింది..
కరడా-రాణీవాడా రోడ్డు మార్గంలో ఉన్న ప్రభుత్వ పాఠశాల నుంచి బయటకు వచ్చిన ఆరుగురు విద్యార్థులు రోడ్డు మార్గంలో నడుస్తున్నారు. ఇంతలో వేగంగా వస్తున్న ఓ ఇన్నోవా కారు అదుపు తప్పి వీరిని ఢీకొట్టింది. దీంతో ఇద్దరు అక్కడికక్కడే మృతిచెందారు. ఆస్పత్రికి తరలిస్తుండగా మరో ముగ్గురు ప్రాణాలు విడిచారు. తీవ్రంగా గాయపడిన ఓ విద్యార్థిని పరిస్థితి విషమంగా ఉంది.
ఇదీ చదవండి : శబరిమల కోసం ప్రత్యేక చట్టం: భాజపా హామీ
