ఇద్దరు భారత ఉపాధ్యాయులు చరిత్ర సృష్టించేందుకు అడుగు దూరంలో ఉన్నారు. ఈ ఏడాది.. ప్రఖ్యాత 'గ్లోబల్ టీచర్ ప్రైజ్'కు(global teacher prize 2021) ఎంపిక చేసిన టాప్ 50 మంది జాబితాలో బిహార్కు చెందిన సత్యం మిశ్రా, హైదరాబాద్కు చెందిన మేఘన ముసునూరి ఉన్నారు. ఈ ప్రైజ్ దక్కితే 1 మిలియన్ డాలర్ వీరి సొంతమవుతుంది.
బిహార్ భగల్పుర్లో గణితశాస్త్ర ఉపాధ్యాయుడిగా సత్యం విధులు నిర్వర్తిస్తుండగా.. మేఘన సోషల్, ఇంగ్లీష్, గణితంలో టీచర్గా ఉన్నారు. 121 దేశాల నుంచి 8వేల నామినేషన్లు వెళ్లగా.. టాప్ 50లో వీరు ఉండటం విశేషం.
యునెస్కో భాగస్వామ్యంతో వర్కీ ఫౌండేషన్ ఈ గ్లోబల్ టీచర్ ప్రైజ్ను ఏటా ఇస్తుంది. 'విద్యకు ప్రాధాన్యమిస్తేనే.. భావితరాలకు భద్రత ఉంటుంది,' అన్న ఉద్దేశంతో వర్కీ ఫౌండేషన్ పనిచేస్తుంది.
ప్రపంచాన్ని విద్యార్థులు చూసే కోణాన్ని మార్చేందుకు, తన లెక్కల 'ట్రిక్స్'తో విద్యార్థులను చదువును సులభం చేసినందుకు సత్యం ఎంపికయ్యారు. మరోవైపు ఫౌంట్హెడ్ గ్లోబల్ స్కూల్ అండ్ జూనియర్ కళాశాల ఫౌండర్గా, ఓ ఔత్సాహి పారిశ్రామికవేత్తగా, దాతృత్వ భావనలున్న వ్యక్తిగా మేఘన.. ఈ ప్రైజ్ టాప్-50 లిస్ట్లో చోటు దక్కించుకున్నారు.
నవంబర్లో పారిస్లో జరిగే వేడుకలో విజేతలను గ్లోబల్ టీటర్ ప్రైజ్ అకాడమీ ప్రకటిస్తుంది. గతేడాది మహారాష్ట్రకు చెందిన రంజిత్సిన్హ్ దిశాలేకు ఈ ప్రైజ్ వరించింది(global teacher prize 2020 winner).
ఇదీ చూడండి:- గురుశిష్యుల బంధం.. అమోఘం.. అద్వితీయం
