EX Vice President Venkaiah Naidu Met His Friend : ఏ పదవిలో ఉన్న మాజీ ఉపరాష్ట్రపతి వెంకయ్యనాయుడు తన స్నేహాన్ని మాత్రం మర్చిపోరని.. చెన్నైలో ఉంటున్న అతని పాఠశాల స్నేహితుడు నర్సారెడ్డి తెలిపారు. నవంబర్ 6న ఒంగోలు నుంచి చెన్నై వెళ్లిన వెంకయ్యనాయుడు.. ఈరోజు ఉదయం నగరంలోని చెట్‌పేట్‌లోని పాఠశాల స్నేహితుడు అయిన నర్సారెడ్డి నివాసానికి వెళ్లి.. అతనితో గంటసేపు మాట్లాడారు. ఆ సమయంలోనే ఆయన గురించి పలు ఆసక్తికర విషయాలు నర్సారెడ్డి ఈటీవీ భారత్తో పంచుకున్నారు.
"వెంకయ్యనాయుడికి, నాకు పాఠశాల స్థాయి నుంచి స్నేహం ఉంది. ఏ పదవిలో ఉన్నా తన స్నేహితులను మాత్రం మర్చిపోలేదు. ఈరోజు మా ఇంటికి రావడం చాలా ఆనందంగా ఉంది. వెంకయ్యనాయుడికి ఒక ప్రత్యేకమైన అలవాటు ఉంది. ప్రతి సంక్రాంతికి తన చిన్ననాటి స్నేహితులందరినీ పిలిచి.. స్వర్ణభారతిలో విందు ఏర్పాటు చేస్తారు. స్నేహం అంటే వెంకయ్యనాయుడు.. వెంకయ్యనాయుడు అంటే స్నేహం" -నర్సారెడ్డి, వెంకయ్యనాయుడి చిన్ననాటి స్నేహితుడు
ఇవీ చదవండి:
