Tammanna Tattoo : ఇటు టాలీవుడ్తో పాటు అటు బాలీవుడ్లోనూ మంచి క్రేజ్ ఉన్న హీరోయిన్లలో తమన్నా భాటియా ఒకరు. ప్రస్తుతం వరుస సినిమాలతో ఆమె ఫుల్ బిజీగా గడుపుతోంది. తెలుగులో ప్రస్తుతం చిరంజీవీ హీరోగా రూపొందుతున్న 'భోలా శంకర్' సినిమాలో నటిస్తోంది. అలాగే బాలీవుడ్లోనూ రెండు బోల్డ్ వెబ్సిరీస్లో నటించి ప్రస్తుతం హాట్టాపిక్గా మారింది. దీంతో పాటే ఆమె ప్రస్తుతం బాలీవుడ్ నటుడు విజయ్ వర్మతో రిలేషన్లో ఉండటం వల్ల అందరి దృష్టి తమన్నాపై పడింది. దీంతో ఆమె ఎక్కడకి వెళ్లినా అభిమానుల తాకిడి ఎక్కువైంది.
అయితే తాజాగా తమన్నా ముంబయి ఏయిర్పోర్టులో కనిపించి సందడి చేశారు. ఈ మిల్కీ బ్యూటీని చూసేందుకు పెద్ద ఎత్తున ఫ్యాన్స్ అక్కడకు చేరుకున్నారు. విమానాశ్రయంలో తమన్నాను చూసిన అభిమానులు ఒక్కసారైనా ఆమెతో సెల్ఫీ దిగేందుకు ప్రయత్నించారు. ఈ సందర్భంగా తమన్నా కొద్దసేపు అక్కడే ఆగి ఫ్యాన్స్తో ముచ్చటించారు. అలా మాట్లాడుతున్న సమయంలో ఓ మహిళా అభిమాని ఒక్కసారిగా వచ్చి తమన్నా కాళ్లపై పడి దండం పెట్టారు. అంతేకాకుండా తనతో తెచ్చుకున్న ఓ పూలబొకేతో పాటు ఓ గ్రీటింగ్ కార్డును కూడా తమన్నాకు ప్రెజెంట్ చేశారు. అయితే ముచ్చటించే సమయంలో అభిమాని.. తన చేతిపై తమన్నా ముఖాన్ని పచ్చబొట్టుగా పొడిపించుకున్న బొమ్మను ఆమెకు చూపించారు. ఈ టాటూ కింది 'లవ్ యూ తమన్నా' అని రాసి ఉంది.
అది చూసిన మిల్కీ బ్యూటీ ఒక్కసారిగా భావోద్వేగానికి లోనయ్యారు. అనంతరం ఆమెను కౌగిలించుకొని 'థ్యాంక్యూ ఫర్ యువర్ లవ్' అంటూ కాసేపు కంటతడి పెట్టుకున్నారు. దీనికి సంబంధించిన వీడియో ప్రస్తుతం సోషల్ మీడియాలో తెగ వైరలవుతోంది. ఈ వీడియోను చూసిన కొందరు అభిమానులు.. ఫ్యాన్స్తో తమన్నా మెలిగిన తీరును చూసి ప్రశంసిస్తున్నారు. టాటూ వేయించుకున్న అభిమానిని మెచ్చుకుంటున్నారు.
Lust Stories 2 Release Date : ఇటీవలే బాలీవుడ్ ప్రముఖ నిర్మాత దినేశ్ విజన్ రూపొందించిన 'జీ కర్దా' అనే వెబ్ సిరీస్లో నటించింది తమన్నా. దీనికి అరుణిమా శర్మ దర్శకత్వం వహించారు. ఆషిమ్ గులాటి, సుహైల్ నయ్యర్, అన్య సింగ్, హుస్సేన్ దలాల్, సయాన్ బెనర్జీ, సంవేద సువాల్కా సహా ఇతర నటీనటులు ఇందులో ప్రధాన పాత్రలు పోషించారు. ఈనెల 15 నుంచి ఈ వెబ్ సిరీస్ ప్రైమ్ వీడీయోలో స్ట్రీమింగ్ అవుతోంది. ఇక ఆమె నటించిన మరో వెబ్ సిరీస్ 'లస్ట్ స్టోరీస్-2' (హిందీ) ఈనెల 29న విడుదలకు సిద్ధంగా ఉంది.
