స్టువర్టుపురంలో పేరు మోసిన గజదొంగ టైగర్ నాగేశ్వరరావు జీవిత కథ ఆధారంగా తెరకెక్కుతున్న చిత్రం 'టైగర్ నాగేశ్వరరావు'. మాస్ మహారాజా రవితేజ నటిస్తున్న చిత్రమిది. తాజాగా ఈ చిత్రానికి సంబంధించిన ఓ స్పెషల్ వీడియో రిలీజ్ అయింది. పోస్టర్ కూడా రిలీజైంది. టైటిల్కు తగట్టుగానే రవితేజ లుక్ను పులి మొహం తరహాలో డిజైన్ చేసి విడుదల చేశారు. ఆయన చూపుల్లో కసి, కోపం కనిపిస్తున్నాయి.
5 భాషల్లో పోస్టర్.. రాజమండ్రి రైల్వే వంతెనపై..
రాజమండ్రిలో గ్రాండ్గా ఫస్ట్ లుక్ గ్లింప్స్ను విడుదల చేశారు. సుమారు నెల రోజులపాటు శ్రమించి గోదావరి మధ్యలో రాజమండ్రి రైల్వే వంతెనపై ఆవిష్కరించారు. వంతెన మీద వెళ్లే రైలును దొంగలు అడ్డుకుని దోచుకుంటున్నట్లుగా చూపిస్తూ.. పోస్టర్ను రిలీజ్ చేశారు. రైల్వే, స్థానిక పోలీసుల సహకారంతో దీన్ని అక్కడ ఆవిష్కరించారు. రవితేజ అభిమానుల ఆకలి తీర్చేలా 'టైగర్ నాగేశ్వరరావు'ను తీర్చిదిద్దినట్లు దర్శకుడు వంశీ తెలిపారు. నాగేశ్వరరావు జీవితంలో మరుగున పడిన ఓ వాస్తవాన్ని ఈ చిత్రంలో చూపించబోతున్నట్లు ఆయన పేర్కొన్నారు.
తెలుగులో విక్టరీ వెంకటేశ్ వాయిస్ ఓవర్తో ప్రారంభమైన ఈ గ్లింప్స్లో.. జింకల్ని వేటాడే పులుల్ని చూసుంటారు. పులుల్ని వేటాడే పులిని చూశారా ? అంటూ మాస్ మహారాజా రవితేజ చెప్పే హైవోల్టేజ్ డైలాగ్ అదిరిపోయింది. ఇకపోతే ఈ సినిమా పోస్టర్ను ఐదుగురు పాన్ ఇండియా స్టార్స్ రిలీజ్ చేయడం విశేషం. హిందీలో సల్మాన్ ఖాన్, తమిళంలో రజినీకాంత్, మలయాళంలో మోహన్ లాల్, కన్నడలో శివరాజ్ కుమార్ రిలీజ్ చేశారు. ఇకపోతే ఈ చిత్రం అక్టోబర్ 20న పాన్ ఇండియా స్థాయిలో రిలీజ్ కానుంది.
- " class="align-text-top noRightClick twitterSection" data="">
సినిమా విషయానికొస్తే.. 'టైగర్ నాగేశ్వరరావు’ సినిమాను ఎంతో ప్రతిష్టాత్మకంగా దర్శకుడు వంశీ తెరకెక్కిస్తున్నారు. 1970-80 ప్రాంతంలో స్టువర్టుపురం గజదొంగగా పేరొందిన టైగర్ నాగేశ్వరరావు జీవిత కథ ఆధారంగా ఈ చిత్రం రూపొందుతోంది. ఈ సినిమా కోసం ఐదు ఎకరాల స్థలంలో స్టువర్టుపురం సెట్ వేశారు మేకర్స్. ఇందులో రవితేజ పాత్ర చాలా కొత్తంగా ఉంటుందని ఇప్పటికే రిలీజైన పోస్టర్ చూస్తుంటే అర్థమవుతోంది. ఆయన బాడీ లాంగ్వేజ్, డైలాగ్స్, కాస్ట్యూమ్స్ కూడా అన్నీ ఢిపరెంట్గా, సరికొత్తగా ఉండబోతున్నాయి. ఇకపోతే ఈ చిత్రంలో నుపుర్ సనన్, గాయత్రి భరద్వాజ్ హీరోయిన్లుగా కనిపించనున్నారు. అభిషేక్ పిక్చర్స్ బ్యానర్ పై అభిషేక్ అగర్వాల్ నిర్మిస్తున్నారు. జీవి ప్రకాష్ కుమార్ స్వరాలు సమకూరుస్తున్నారు. రేణూ దేశాయ్ ఈ చిత్రంలో కీలక పాత్రలో కనిపించనున్నారు. చాలా కాలం తర్వాత ఈమె రీఎంట్రీ ఇవ్వడం వల్ల కూడా సినిమాపై అంచనాలు ఏర్పడ్డాయి.
ఇదీ చూడండి: బన్నీ నెక్స్ట్ ప్రాజెక్ట్పై ప్రముఖ నిర్మాత కామెంట్స్.. ఆ స్టార్ డైరెక్టర్ ఫిక్స్!
