ఈ మధ్య రిలీజైన సినిమాలన్నీ పార్ట్స్గా విడుదలవుతున్నాయి. మొదటి భాగంలో చెప్పని విషయాలన్నీ రెండు లేక మూడు భాగాల్లో తెలియజేస్తారు. ప్రేక్షకులు కూడా తమకు నచ్చిన సినిమాను మరో సారి చూడొచ్చు అనే ఉద్దేశంతో ఈ తరహా సినిమాలకు వెలకమ్ చెప్తున్నారు. కేజీఎఫ్, బాహుబలి,అవతార్ లాంటి సినిమాలు ఇప్పటికే సిరీస్ రూపంలో రిలీజవ్వగా.. లేటెస్ట్గా వచ్చిన పొన్నియన్ సెల్వన్ త్వరలో పార్ట్ 2 రిలీజ్ చేసేందుకు సిద్ధమౌతోంది. మరి కొన్ని సినిమాలు కూడా సెకెండ్ పార్ట్లో రిలీజయ్యేందుకు రెడీ అవుతున్నాయి.
ఈ క్రమంలో తాజాగా వస్తున్న ప్రాజెక్ట్-కె కూడా రెండు పార్టులుగా తెరకెక్కనున్నట్లు సామాజిక మాధ్యమాల్లో జోరుగా ప్రచారం సాగుతోంది. ఆ దిశగా చిత్రబృందం ఆలోచనలు చేస్తున్నట్టు తెలుస్తోంది. అయితే ఈ విషయంపై మూవీ టీమ్ ఎటువంటి స్పష్టత ఇవ్వలేదు. అత్యాధునిక హంగులతో ఈ చిత్రాన్ని తెరకెక్కిస్తున్నారు దర్శకుడు నాగ్ అశ్విన్. వైజయంతీ మూవీస్‌ పతాకంపై సి.అశ్వినీదత్‌ నిర్మిస్తున్న ఈ భారీ ప్రాజెక్ట్లో ప్రభాస్కు జోడీగా దీపికా పదుకోణె నటిస్తున్నారు. కాగా ఈ సినిమాలో అమితాబ్‌ బచ్చన్‌ కీలక పాత్ర పోషిస్తున్నారు.
